ខេត្តពោធិ៍សាត់ ៖ តាមប្រភពដែលគួរឲ្យទុក្ខចិត្តបានលួចបង្ហើបឲ្យដឹងថា ដោយ សារ តែមានអំពើពុករលួយពិសេសការទទួលថវិកាជាតិនិងថវិកាគំរោង អង្គការនានាមកធ្វើការអភិវឌ្ឍន៍នៅ ក្នុងមន្ទីរអភិវឌ្ឍន៍ជនបទខេត្តពោធិ៏សាត់ ក្នុង មួយ ឆ្នាំៗរដ្ឋបានខាតបង់ថវិកា ចន្លោះ៣០០លានរៀល ហើយថវិកាដែល បាត់ បង់ទាំងនោះ គឺបានធ្លាក់ចូលទៅក្នុងកណ្តាប់ ដៃលោកប្រធានមន្ទីរ និងមន្ត្រី ជំនិតៗរបស់គាត់មួយចំនួនទៀត។ចំណែកមន្ត្រីមួយចំនួនតូចផ្សេងទៀតបានត្រឹមស្រ ក់ទឹកមាត់និងហិតក្លិនផ្សែងតែប៉ុណ្ណោះ។ភាពមិនប្រក្រតីទាំងនេះត្រូវបានគេអះ អាងថាកើតយូរឡើងដុះស្លែទៅហើយ ។
ចំពោះ ថវិកាដែលគេកឹបកេង បាន ច្រើនបំផុតជារៀងរាល់ឆ្នាំគឺថវិកានៅក្នុងជំពូកនានាជាច្រើន ពិសេសថវិការ គំ រោងទឹកស្អាតនិងអនាម័យADBក្នុងឆ្នាំ២០១៣ឆ្នាំ២០១៤កន្លងទៅនេះ។ ទោះជាយ៉ាងណាការប្រព្រឹត្តិអំពើពុករលួយរបស់លោកហួន បូនិត និងបក្ខពួក គឺកម្រមានឧបសគ្គ ដោយសាតែរូបគាត់និងបក្ខពួកពូកែរៀបចំឯកសារនានា ដើម្បីបំប៉ោងការចំណាយ។ប៉ុន្តែគុណភាពមិនសមស្របទៅតាមស្តង់តាឡើយ។
ក្រុមអធិការកិច្ចឬសវនកម្ម ភាគច្រើនពួក គេពិនិត្យទៅលើតែឯកសារចំណាយ មិនពិនិត្យដល់មូលដ្ឋាន ដូច្នេះមិន អាច ស្រាវជ្រាវរកឃើញរឿងអាស្រូវទាំង អម្បាលមាននេះឡើយ ។
ប្រភពបានបន្តឲ្យដឹងថា សម្រាប់ការចំណាយថវិកា ជាតិនិងថវិកាគម្រោងនានានៅក្នុងមន្ទីរអភិវឌ្ឍន៍ជនបទខេត្តពោធិ៍សាត់ និងក្នុងមួយឆ្នាំៗថវិកាមួយចំនួនបានធ្លាក់នៅក្នុងដៃលោកប្រធានមន្ទីរហួន បូនិតនិងបក្ខពួក ។ គំរោងទឹកស្អាតនិងផ្នែកអនាម័យបានខាតបង់ ថវិកាអស់ជា ច្រើនលានដុល្លារអាមេរិកសំរាប់ចំនួន៦គឺខេត្តពោធិ៍សាត់ បាត់ដំបងបន្ទាយមានជ័យ កំពង់ធំ ។ល។ សម្រាប់ការ ចំណាយថវិកាជាក់ស្តែងនៅក្នុងឆ្នាំ២០១៣និង២០១៤កន្លងទៅនេះត្រូវបានគេ អះអាងថាមានតែតួលេខនៅក្នុងក្រដាស់តែគុណភាពការប្រើប្រាស់គ្មានឡើយ ។ ដោយសារការរៀបចំថវិកាចំណាយមិនប្រក្រតី និងសល់ប្រាក់ច្រើនពីការទិញសំភារៈដើម្បីធ្វើការអភិវឌ្ឍន៍គំរោងទឹកស្អាត បង្គន់អនាម័យ ស្រះទឹក អណ្ដូងស្នប់ និងលូជាដើម ពួកគេបានប្រាក់ទាំងនោះអាចកឹបកេងរលួយយកទៅដាក់ ហោប៉ាវផ្ទាល់ខ្លួនហ៊ឺហាររាល់ថ្ងៃ ។
ពាក់ព័ន្ធព័ត៌មានចោទប្រកាន់ខាងលើទាំងអម្បាលមានលោកហួន បូនិតប្រធានមន្ទីរអភិវឌ្ឍន៍ជនបទខេត្តពោធិ៍សាត់មិនបានអត្ថាធិបាយច្រើនទេ តាមទូរស័ព្ទដោយប្រាប់យ៉ាងខ្លីថា ខ្ញុំទទួលយកសូមមកកាន់មន្ទីរខ្ញុំទើបបកស្រាយអស់សាច់រឿង ។
ទោះបីយ៉ាងណា សារព័ត៌យើងរង់ ចាំស្វាគមន៏ការបកស្រាយបំភ្លឺពីលោកប្រធានមន្ទីរ ហួន បូនិត នៅលេខក្រោយ ៕
