ខេត្តប៉ៃលិន៖ ព្រឹកថ្ងៃទី២៣ ខែមករា ឆ្នាំ២០១៥ លោកជំទាវ បាន ស្រីមុំ ប្រធានគណ:កម្មាធិការសាខាកាកបាទក្រហមកម្ពុជាខេត្តប៉ៃលិនបានអញ្ជើញចុះប្រគល់ផ្ទះទី២៧-២៨ដល់ប្រជាពលរដ្ឋទីទាល់ក្រចំនួន២គ្រួសារ ក្នុងឃុំស្ទឹងកាច់ដែលជាអំណោយដ៏ថ្លៃថ្លារបស់សម្តេចគតិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងមានការចូលរួមដំណើរដោយ លោក សៅ សារ៉ាត់ អភិបាលរងខេត្តប៉ៃលិន ,លោកអភិបាលស្រុកសាលាក្រៅ,លោកនាយកប្រតិបត្តិសាខា សមាជិកគណៈកម្មាធិការសាខា និងយុវជនសហភាពសហព័ន្ធខេត្ត និងយុវជនកាកបាទក្រហមកម្ពុជាខេត្ត និងប្រជាពលរដ្ឋសរុប១១៨នាក់ ។
ប្រជាពលរដ្ឋដែលទទូលបានផ្ទះទី២៧ ទី២៨ ក្នុងឃុំស្ទឹងកាច់ ស្រុកសាលាក្រៅ រួមមានគ្រួសារទី១ ឈ្មោះ ហាប់ វណ្ណះ ភេទស្រី អាយុ៤២ឆ្នាំ ជាស្ត្រីមេម៉ាយ មានកូន៦នាក់ ស្រី២នាក់ រស់នៅភូមិបឹងព្រលឹត ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
គ្រួសារទី២ទទួលបានផ្ទះទី២៨ ឈ្មោះ ជ្រៃ ម៉ៅ ភេទស្រី អាយុ២៨ឆ្នាំ មានបងប្អូន៦នាក់ ស្រី២នាក់ ជាគ្រួសារដែលឪពុកម្តាយស្លាប់ចោលអស់ រស់នៅភូមិទឹកចេញ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
លោក សូ កង នាយប្រតិបត្តិសាខាកាកបាតក្រហមកម្ពុជាខេត្តប៉ៃលិននិងជាប្រធានគណកម្មករសាងសងបានប្រាប់ឲ្យដឹងថាផ្ទះទេវតាប្រមាណ១០០ខ្នងជាអំណោយដ៏ថ្លៃថ្លារបស់ សម្តេចគតិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា តាមរយៈសាខាកាកបាទក្រហមកម្ពុជាខេត្តប៉ៃលិនជួយផ្ដល់ជួនប្រជាពលរដ្ឋក្រីក្រចាស់ជរាគ្មានទីពឹងនិងប្រជាពលរដ្ឋជួនប្រទះគ្រោះថ្នាក់ផ្សេងៗផងដែរ ។
លោកបានបញ្ជាក់ថាផ្ទះទេវតាដែលបានសាងសង់រួចស្រាច់ទើបប្រគល់ជួនប្រជាពលរដ្ឋក្រីក្រគ្មានទីពឹងតែម្ដង ។ ពេលនេះសាខាកាកបាទក្រហមខេត្តប៉ៃលិនបានប្រគល់ផ្ទះ២ខ្នងទៀតកាលពីព្រឹកថ្ងៃទី២៣ខែមករាឆ្នាំ២០១៥ ។ លោកបានបញ្ជាក់ថា ផ្ទះទេវតាដែលបានប្រគល់ជួនប្រពលរដ្ឋក្រីក្រ គ្មានទីពឹងទាំងអស់ បានចំនួន២៧ខ្នងផ្ទះហើយ នៅកំពង់សាងសងជាបន្តៗទៀត ។
លោកជំទាវ បាន ស្រីមុំ តំណាងរាស្ត្រមណ្ឌលប៉ៃលិន និងជាប្រធានគណកម្មាធិការសាខាកាកបាទក្រហមកម្ពុជា ខេត្តប៉ៃលិន បានមានប្រសាសន៍ថា ៖ កាកបាទក្រហមកម្ពុជាបានគិតគួរនិងលើកស្ទួយជីវភាពប្រជាជាពលរដ្ឋដែលមានទុក្ខលំបាកក្រីក្រចាស់ជរាគ្មានទីពឹងនិងជួយដោះស្រាយបញ្ហាទុក្ខលំបាកគ្រោះថ្នាក់ផ្សេងៗពេលជួបគ្រោះភ័យមហន្តរាយដោយធម្មជាតិ ។
ប្រជាពលរដ្ឋ២គ្រួសារដែលទទួលបានផ្ទះទេវតា កាលពីព្រឹកថ្ងៃទី២៣ ខែមករា នេះមានទាំងសម្ភារៈស្បៀងអាហារ មានអង្ក ៥០ គីឡូក្រាម កន្ទេលមួយ មីមួយកេះ ឃីតមួយកញ្ចប់ ត្រីខមួយឡូ ទឹកត្រីមួយយួរ ទឹកស៊ីអីវមួយយួរ ឆ្នាំងបាយមួយឆ្នាំសម្លមួយ ចានបាយ ១០ ស្រាបព្រា ១០ វែកបាយ ២ វែក ចានសម្ល ៣ ខ្ទះឆាមួយ និងថវិកាផ្ទាល់របស់លោកជំទាវ បាន ស្រីមុំ អ៊ីឈាន ចំនួន ៥០ ម៉ឺនរៀលផងដែរ ។
លោកជំទាវ បាន ស្រីមុំ តំណាងរាស្ត្រមណ្ឌលប៉ៃលិន និងជាប្រធានសាខាកាកបាទ ក្រហមកម្ពុជាខេត្តប៉ៃលិន បាននាំយកប្រសាសន៍ផ្តាំ ផ្ញើរសាកសួរសុខទុក្ខពីសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាតក្រហមកម្ពុជា ដែលសម្តេចតែងតែគិតគួរជានិច្ចជាកាល ពីសុខទុក្ខនិងជីវភាពរស់នៅរបស់ប្រជាពលរដ្ឋ ។
លោកជំទាវបានបន្តថា កាកបាទក្រហមកម្ពុជាជួយសង្គ្រោះប្រជាពលរដ្ឋ ដោយមិនប្រកាន់និន្នាការនយោបាយឡើយ ។ ប្រជាពលរដ្ឋណាដែលក្រីក្រជួបប្រទះ ការលំបាកនិងគ្រោះថ្នាក់ផ្សេងៗកាកបាតក្រហមកម្ពុជាតែងតែជួយជានិច្ច ព្រោះសុទ្ធតែជាប្រជាពលរដ្ឋខ្មែរដូចគ្នា ។
ប្រជាពលរដ្ឋដែលបានទទួលផ្ទះទេវតា បានលើកដៃសំពះថ្លែងអំអគុណដល់សម្ដេចគតិ្តព្រឹទ្ធបណ្ឌឹត ប៊ុន រ៉ានី ហ៊ុនសែនប្រធានកាកបាត ក្រហមកម្ពុជានិងលោកជំទាវបាន ស្រីមុំដែលយកចិត្តទុកដាក់ជួយប្រជាពលរដ្ឋក្រីក្រ គ្មានទីពឹងនិងគ្មានជម្រកស្នាក់នៅ ។ សុំឲ្យទេវតានិងវត្ថុស័ក្តិសិទ្ទិក្នុងលោកជួយសម្ដេចមានអាយុយឺនយួរជាម្លប់ដល់កូនចៅប្រជាពលរដ្ឋនិងដឹកនាំប្រទេសរីកចម្រើនតទៅទៀត ៕
អត្ថបទ សេង សុវណ្ណារិទ្ធ
