មណ្ឌលគិរី ៖ កាកបាទក្រហមកម្ពុជាមានមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធានបានផ្តល់អណ្តូងទឹកស្អាត ចំនួន ១២ ជូនដល់ពលរដ្ឋ ដែលរស់នៅឃុំស្រែខ្ទុម ស្រុកកែវសីមា ខេត្តមណ្ឌលគិរី កាលពីព្រឹកថ្ងៃទី ១៧ខែមករាឆ្នាំ២០១៧ ។ ក្នុងពិធីប្រគល់អណ្តូងអាហ្វ្រដែស ដល់សហគមន៍ចំនួន ១២ អណ្តូង ដែលជា អំណោយឧបត្ថម្ភដោយកាកបាទក្រហមកម្ពុជា ។
នាឱកាសដ៏អធិកអាធម្មនោះ មានវត្តមាន វេជ្ជ អ៊ុយ សំអាត នាយក នាយកដ្ឋានគ្រប់គ្រងគ្រោះមហន្តរាយ កក្រក រួមដំណើរដោយឯកឧត្តម ស្វាយ សំអ៊ាង ប្រធានកិត្តិយសសាខា លោក ឡុង វិបុល នាយកប្រតិបត្តិសាខា និងមានលោក លោកស្រីក្នុង គណកម្មាធិការ មន្រី្តបរតិបត្តិ យុវជនកក្រក អ្នកស្មគ្គ័ចិត្តបានអញ្ជើញចូលរួមយ៉ាងច្រើនកុះករ ។
មានប្រសាសន៍សំណេះសំណាលទៅកាន់ ប្រជាពលរដ្ឋជានាក់ទទួលប្រម៉ាណ១០០នាក់ ឯកឧត្តម អ៊ុយ សំអាត និងឯកឧត្តម ស្វាយ សំអ៊ាង បានពាំនាំ ប្រសាសន៍នឹងផ្តាំផ្ញើ សួរសុខទុក្ខដល់បងប្អូនពលរដ្ឋ ពីសម្តេចប្រធានផងដែរ។
សម្តេចប្រធានយកចិត្តទុកដាក់ចំពោះសុខមាលភាព ក្នុងការប្រើប្រាស់ទឹក ការខ្វះខាតទឹកស្អាតប្រើប្រាស់ ។ ជាងនេះទៀត អនុសាសន៍ទូទៅរបស់សម្តេចប្រធានពាក់ព័ន្ធនឹងការថែទាំសុខភាព មាតា កុមារ នឹង ស្ត្រីមានផ្ទៃពោះត្រូវពោះ ត្រូវចេះថែរក្សាសុខភាព ពិនិត្យសុខភាព នៅតាមមណ្ឌលសុខភាព ។ ហើយចំពោះអ្នកដែលមានផ្ទុកជំងឺ HIV AIDS សុំអោយចេះថែរក្សាសុខភាព កុំចម្លងដល់អ្នកដទៃ ត្រូវជៀសអោយឆ្ងាយពីគ្រឿងញៀន ល្បែងពាលា ផ្សេងៗ ជាពិសេសត្រូវចូលរួមគោរពច្បាប់ចរាចរណ៍ទាំងអស់គ្នា ដើម្បីចូលរួមកាត់បន្ថយគ្រោះថ្នាក់ចរាចរណ៍ទាំងអស់គ្នា ។
ឯកឧត្តម អ៊ុយ សំអាត បានអោយដឹងទៀតថា ចំពោះអណ្ដូងទឹកចាប់ពីលេខ កូដ ១៦-០៥៤ ដល់ ១៦-០៦៥ ខាងលើ មានជម្រៅពី ៣០ទៅ ៤០ម៉ែត ដេបុីទឹក ១២ម៉ឺតគូប ធានាបានទឹកជាមធ្យមប្រមាណជា៦ម៉ែតគូប ។ ហើយនៅព្រឹកថ្ងៃទ១៧ នេះដែរ ឯកឩត្តមបានបន្តចែកជនងាយរងគ្រោះ ៣ គ្រួសារ មានអង្ករ ៣០គក ឃីត ១ ត្រី ១កំប៉ុង មី១កេះ និង ថវិកា១ចំនួន ផងដែរ ៕
