បាត់ដំបង ៖ កម្លាំងចម្រុះត្រួតពិនិត្យរថយន្តដឹកជញ្ជូនលើសកំណត់ចល័តក្រសួង សាធារណការ និងដឹកជញ្ជូន សហការកម្លាំងមន្ត្រីជំនាញ បានធ្វើការឃាត់ រថយន្តចំនួន៨គ្រឿង ដឹកលើសចំណុះធ្វើគការអប់រំនិង ផាកពិន័យតាមច្បាប់ កាលពីព្រឹកថ្ងៃទី២១ ខែមករា ឆ្នាំ២០១៥ នៅចំណុចផ្លូវជាតិលេខ៥ ស្ថិតក្នុងភូមិស្វាយកង់ ឃុំអន្លង់វិល ស្រុកសង្កែ ។
គួរបញ្ជាក់ផងដែរ កាលពីព្រឹកថ្ងៃទី១៥ខែមករាឆ្នាំ២០១៥កម្លាំងត្រួតពិនិត្យយានយន្តលើសទម្ងន់បានឃាត់ដឹកខ្សាច់លើសទម្ងន់ចំនួន៦គ្រឿង ពោធិ៍សាត់ឆ្ពោះ ទៅខេត្តប៉ៃលិន មានលើស១០តោន លើស១២តោន លើស១៣តោន លើស២១តោន លើស៣២តោន ក្នុងនោះក៏មានរថយន្ត ពាក់ស្លាកលេខខ.មផងដែរ ការផាកពិន័យមានចាប់ពី៧លានរៀល៩លានរៀលនិង១០លានរៀល។
មន្ត្រីក្រសួងសាធារណការណ៍ និងដឹកជញ្ជូន បានឲ្យដឹងថា បន្ទាប់ពីក្រសួងសាធារណការណ៍ និងដឹកជញ្ជូន បានធ្វើការ ផ្សព្វផ្សាយ ច្បាប់ផ្លូវថ្នល់ ដល់សាធារណៈជន ពិសេសនៅតាមក្រុមហ៊ុន ដឹកជញ្ជូនទំនិញ គ្រប់ប្រភេទរួចមក ។ក្រុមជញ្ជីង ថ្លឹង រថយន្តចល័តយើង បានចុះតាមគោលដៅចល័ត ដោយបាន អនុវត្តជំហានដំបូង នៅតាម បណ្តា ខេត្តចំនួន៥ គឺខេត្តបាត់ដំបង កំពង់ចាម កំពង់ធំ ព្រៃវែង ក្រចេះ និងបន្តទៅធ្វើនៅខេត្តនានា តាមក្រោយ បន្ថែមទៀត ។
ការអនុវត្តយុទ្ធនាការចុះត្រួតពិនិត្យ យានយន្តដឹកជញ្ជូន ទំនិញលើស ទម្ងន់ កម្រិត កំណត់នេះ គឺក្នុងគោលបំណងឲ្យម្ចាស់ យានយន្តទាំងនោះ ចេះគោរពច្បាប់ចរាចរណ៍ និង ច្បាប់ផ្លូវថ្នល់ដែលក្រសួង បានធ្វើការផ្សព្វផ្សាយ និងដើម្បីការពារផ្លូវថ្នល់កុំអោយឆាប់ខូច។ ជាក់ស្តែងនៅព្រឹកថ្ងៃទី២១ ខែមករា ឆ្នាំ២០១៥ ឃាត់ រថយន្តដឹក ជញ្ជូនលើសកំណត់បានចំនួន៨គ្រឿង ក្រោយពីបានថ្លឹងមានរថយន្តចំនួន៣គ្រឿង បានដឹកលើសតិចតួច គ្រាន់តែអប់រំហើយអោយត្រឡប់ទៅវិញ ឯរថយន្ត៥គ្រឿងទៀត បានដឹកលើស ចំណុះកំណត់ ត្រូវបានធ្វើការផាក ពិន័យតាមច្បាប់កំណត់ ។តាមកាណែនាំក្រសួងសាធារណៈការណ៍និងដឹកជញ្ជូនអោយរថយន្តយីឌុបផ្ទុក ទម្ងន់ត្រឹម៣៥តោននិងរថយន្តសណ្តោងកន្ទុយផ្ទុកទម្ងន់៤០តោន ប៉ុន្តែរថយន្តទាំងនេះបានផ្ទុកលើសការកំណត់។
លោក ស៊ួ ប៊ុណ្ណារ៉ុង អនុប្រធានមន្ទីរសាធារណការណ៍ និងដឹកជញ្ជូន បានបង្ហាញនិងពន្យល់អ្នកបើកបរយានយន្ត ដោយរថយន្តកំពង់ឃាត់គឺកែច្នៃខុសបច្ចេកទេសពីភ្លៅ ៣ ទៅប្រភេទភ្លៅ ៥ ដឹកលើសទម្ងន់ ដូច្នេះទុកអោយកម្លាំងក្រសួងសាធារណការណ៍ និងដឹកជញ្ជូនធ្វើការផាកពិន័យតាមច្បាប់ ហើយប្រសិនបើម្ចាស់រថយន្តទុកយូរ មិនចូលរួមដោះស្រាយទេសមត្ថកិច្ចត្រូវគិតថ្លៃយាមរថយន្ត១ថ្ងៃ៧ម៉ឺនរៀលទៀត។លោកក៏បានធ្វើការអំពាវនាវ ដល់ម្ចាស់យានយន្ត ដែលធ្វើបានធ្វើអាជីវកម្ម ដឹកជញ្ជូនទូទៅ សូមមេត្តា នាំគ្នាគោរពច្បាប់ផ្លូវថ្នល់ និងច្បាប់ចរាចរណ៍ទាំងអស់គ្នា ដើម្បីជៀសវាងកុំឲ្យមានការ ដឹកជញ្ជូនលើស កម្រិត កំណត់ល្មើសច្បាប់តទៅទៀត ។
ចំណែកម្ចាស់រថយន្តមួយចំនួនបានស្តាប់ការពន្យល់ពីផ្លូវច្បាប់របស់មន្ត្រីជំនាញហើយគាត់ក៏ថារាងចាលព្រោះពីមុនដឹកលើសទំងន់ទៅមកគ្មានសមត្ថកិច្ចឃាត់ ទើបចេះតែដឹករហូតដល់ថ្ងៃនេះតែម្តង ៕
