ខេត្តប៉ៃលិន៖ នៅព្រឹកថ្ងៃទី២៣ ខែមករា ឆ្នាំ២០១៥ នៅសាលប្រជុំមន្ទីរអប់រំ យុវជន និងកីឡា ខេត្ត មានបើកសន្និបាតបូកសរុបវាយតម្លៃការងារអប់រំឆ្នាំ២០១៣-២០១៤ និងលើកទឹសដៅបន្តឆ្នាំ២០១៤-២០១៥ ក្រោមអធិបតីភាពលោក ផាន់ ចាន់ថុល អភិបាលរង នៃគណៈអភិបាលខេត្តប៉ៃលិនព្រមទាំងមានការចូលរួមពីលោក តង់ ធារ៉ា ប្រធានមន្ទីរអប់រំ យុវជន និងកីឡា ខេត្តប៉ៃលិន លោកប្រធាន-អនុប្រធានមន្ទីរ ជុំវិញខេត្ត តំណាងសហគមន៏ លោកគ្រូ-អ្នកគ្រូ ជាច្រើនផងដែរ ។
លោក តង់ ធារ៉ា ប្រធានមន្ទីរអប់រំ យុវជន និងកីឡាខេត្តប៉ៃលិន បានឲ្យដឹងថា៖ ក្នុងឆ្នាំសិក្សា២០១៣-២០១៤ កន្លងទៅនេះលោកគ្រូ អ្នកគ្រូ និងមន្ត្រីអប់រំគ្រប់លំដាប់ថ្នាក់ បានខិតខំនិងសហការជាមួយសហគមន៏បានបំពេញការងារ តាមតូនាទីភារកិច្ចយ៉ាងសកម្ម ពុះពារគ្រប់ឧបសក្គលើកការកែទម្រង់៨ចំនុចសំខាន់ៗ ដែលបានដាក់ចេញដោយក្រសួងអប់រំ យុវជន និងកីឡា បានលទ្ធផលជាផ្លែផ្កាគួរឲ្យកត់សំគាល់ ។
លោក ផាន់ ចាន់ថុល អភិបាលរងខេត្តប៉ៃលិន បានមានប្រសាសន៏ក្នុងអង្គសន្និបាតថា៖ ដើម្បីឲ្យឆ្នាំសិក្សាថ្មី២០១៤-២០១៥ នេះកាន់តែមានភាពរីកចំរើនថែមទៀត លើវិស័យអប់រំ យុវជននិងកីឡា ដែលមានថ្នាក់មេត្តយត្យសិក្សា បឋមសិក្សា រហូតដល់មធ្យមសិក្សាទាំងអស់ ព្រមទាំងការអប់រំក្រៅប្រព័ន្ធផងដែរនោះ យើងត្រួវបន្តអនុវត្តន៏ នូវគោលនយោបាយអប់រំមូលដ្ឋាន និងខ្លឹមសារអប់រំដល់សិស្សានុសិស្ស ឲ្យមានគុណភាព និងប្រសិទ្ធភាពថែមទៀត ដើម្បីកសាងយុវជនជំនាន់ថ្មី ដែលនិងត្រៀមខ្លួនចូលសមាហរណកម្មអាស៊ាន នៅចុងឆ្នាំ២០១៥ ខាងមុខប្រកបដោយ សមត្ថភាព គុណភាពពេញលិញងាយស្រួលក្នុងការប្រកូតប្រជែងទីផ្សារការងារ ជាមួយយុវជនអាស៊ាន ។
លោកអភិបាលរងបន្តទៀតថា៖ អង្គសន្និបាតថ្ងៃនេះ ជាឪកាសដ៏ល្អសម្រាប់មន្ត្រីអប់រំសំខាន់ៗ សហគមន៏ និងអាជ្ញាធរដែនដី ថ្នាក់មូលដ្ឋាន បានពិភាក្សាផ្លាស់ប្តូយោបល់ ចំណោះដឹង និងបទពិសោធន៏ គោលដៅ ដើម្បីដោះស្រាយបញ្ហានាៗ រិៈរកនូវវិធានការសម្រាប់ការអភិវឌ្ឍន៏លើវិស័យអប់រំ យុវជន និងកីឡា និងទឹសដៅបន្តឲ្យកាន់តែមានប្រសិទ្ធភាពខ្ពស់ ៕
សេង សុវណ្ណារិទ្ធ
