ខេត្តប៉ៃលិន ៖ កាលពីរសៀលថ្ងៃទី២០ ខែមករា ឆ្នាំ២០១៥ នៅបរិវេណមន្ទីរ ពេទ្យបង្អែកខេត្តប៉ៃលិន ក្រោមអធិបតីភាពលោក ម៉ី មគ្គ អភិបាលរងខេត្តប៉ៃលិនលោក សេង រ៉ន ប្រធានមន្ទីរ សុខាភិបាលខេត្តប៉ៃលិន ព្រមទាំងក្រុមគ្រួពេទ្យជាច្រើននាក់ផងដែរ ។
មន្ទីរសុខាភិបាលខេត្តប៉ៃលិនទទួលបានរថយន្តសង្គ្រោះចំនួន៣គ្រឿងជា អំណោយឥតសំណងរបស់រាជរដ្ឋាភិបាលចិន តាមរយៈក្រសួងសុខាភិបាល ដើម្បីបម្រើតម្រូវការប្រជាពលរដ្ឋដែលមានគ្រោះភ័យផ្សេងៗ ។
លោកសេង រ៉ន ប្រធានមន្ទីសុខាភិបាលខេត្តប៉ៃលិនបានឱ្យដឹងថា មន្ទីសុខាភិបាលខេត្តប៉ៃលិនបានទទួលបាន រថយន្តសង្គ្រោះចំនួន៣គ្រឿង ពីក្រសួងសុខាភិបាលដែលជាជំនួយឥតសំណងរបស់រដ្ឋាភិបាលចិន។ រថយន្តសង្គ្រោះនេះគឺបានបែងចែកទៅដល់មណ្ឌល់សុខភាពតាមឃុំឆ្ងាយៗ សម្រាប់បម្រើដឹកជញ្ជួនប្រជាពលរដ្ឋដែលមានគ្រោះថ្នាក់ជាយថាហេតុ ផ្សេងៗតាមតម្រូវការដោយឥតគឹតថ្លៃ។
លោកបានបញ្ជាក់ថា រថយន្តសង្គ្រោះ៣គ្រឿងនេះ ពិតមែនតែមិនទាន់បានគ្រប់គ្រាន់ទៅតាមមណ្ឌល់សុខាភាពក្តី ប៉ុន្តែលោកបានបែងចែករថយន្តសង្គ្រោះមួយគ្រឿងទៅឱ្យមណ្ឌល់សុខភាព ភ្នំព្រាលស្ថិតក្នុងឃុំស្ទឹងត្រង់ ស្រុកសាលាក្រៅដែលនៅឆ្ងាយដាច់ ស្រយ៉ាលពីទីរួមខេត្តប៉ៃលិន។
លោក ម៉ី មគ្គ អភិបាលរងខេត្តប៉ៃលិនបានមានប្រសាសន៍សូមថ្លែងអំណរគុណដល់ រាជរដ្ឋាភិបាលកម្ពុជាដែលមានសម្តេចសតេជោ ហ៊ុន សែន ជាប្រមុខដឹកនាំបានខិតខំប្រឹងប្រែងស្វែងរកជំនួយគ្រប់បែបយ៉ាងទាំង វិស័យសុខាភិបាល ដើម្បីអភិវឌ្ឍន៍និងបម្រើសេវាសុខភាពជួនប្រជាពលរដ្ឋនិងជួយដឹក សង្គ្រោះប្រជាពលរដ្ឋពេលជួបគ្រោះថ្នាក់ផ្សេងៗ ៕
