ភ្នំពេញៈ ប្រជាពលរដ្ឋជាច្រើននាក់បានបង្ហាញទស្សនផ្ទាល់ខ្លួនថា ពួកគាត់មិនសូវជាពេញចិត្តមន្ត្រីអគ្គសនី ប៉ុន្មានទេ បន្ទាប់ពីបំរើសេវាកម្មយឺតយ៉ាវ ក្នុងការតប្រព័ន្ធចរន្តអគ្គសនីម្តងៗនៅពេលដែលភ្លើងដាច់ ។
ប្រជាពលរដ្ឋរស់នៅខណ្ឌសែនសុខ រាជធានីភ្នំពេញបានលើកឡើងម្នាក់ម្តងៗក្នុងវេទិការសាធារណ:នាព្រឹកថ្ងៃ១៩មករា ២០១៥ ក្នុងសាលប្រជុំសាលាខណ្ឌសែនសុខ ថា ក្រៅពីសេវាកម្មយឺតយ៉ាវមន្ត្រីអគ្គីសនីខ្លះក៍ទារលុយប្រជាពលរដ្ឋផងដែរនៅពេលភ្លើងដាច់សំតភ្ជាប់ឡើងវិញ ។
ប្រជាពលរដ្ឋបានបន្តរថា បញ្ហាអគ្គសនីជាបញ្ហាប្រឈមប្រសិនបើសេវាកម្មយឺតយ៉ាវ ។ អគ្គីសនីមានភាពរអាក់រអួល ភ្លើងឧស្សារហ៍ដាច់ញឹកញាប់និងកុងទ័រឧស្សារហ៍ឡើងគីឡូវ៉ាត់ ។ ការលើកដោយប្រជាពលរដ្ឋនៅខណ្ឌសែនសុខបែបនេះ គ្រាដែលអគ្គសនីកម្ពុជាចាប់ផ្តើមកែទម្រង់រចនាសម្ព័ន្ធតាម ប្រសាសន៍លើកឡើងរបស់រដ្ឋាភិបាល ។ រដ្ឋាភិបាលបានលើកឡើងហើយថា អាជា្ញធអគ្គីសនីត្រូវតែគិតគូពីបណ្តាញតចរន្តភ្លើងដល់ផ្ទះជួលរបស់ កម្មករនៅទូទាំងរាជធានី ខេត្តពិសេសក្រុងភ្នំពេញ ។ ចំពោះផ្ទះជួលរបស់កម្មករជាង៣ម៉ឺន បន្ទប់នៅក្នុងរាជធានីភ្នំពេញ ដែលប្រើអស់ក្រោម៥០គីឡូវ៉ាត់ ម៉ោងក្នុង មួយខែៗ ។
អាជា្ញធខណ្ឌសែនសុខ ដែលមានលោក លី សាវេត ជាអភិបាលខណ្ឌបានឆ្លើយតបថា អាជា្ញធនិងចុះស្រង់ស្ថិតតិតាមផ្ទះជួលប្រជាពលរដ្ឋក្នុងពេលឆាប់ៗ បន្ទាប់ពីស្នើរសំឱ្យប្រជាពលរដ្ឋមកធ្វើច្បាប់ទម្លាប់ឱ្យបានត្រឹមត្រូវ ។ ការធ្វើច្បាប់នោះគឺសំដៅលើ
ការរត់ឯកសារលិខិតស្នាមចំនួនបន្ទប់របស់ខ្លួនដែលជួលទៅឱ្យគេមកការិយាល័យច្រកចេញចូលតែមួយដើម្បីឱ្យម្ចាស់ផ្ទះជួលបង់ថវិការចូលរដ្ឋក្នុងមួយបន្ទប់៥០០០រៀលក្នុងរយះពេល១ឆ្នាំ ។
លោក អ៊ឹម សុផាន់ មន្ត្រីអគ្គីសនីកម្ពុជា បាននិយាយថាអគ្គីសនីកម្ពុជានិងឱ្យមន្ត្រីជំនាញចុះពិនិត្យតាមផ្ទះជួលរបស់ប្រជាពលរដ្ឋប្រសិនបើការតប្រព័ន្ធភ្លើងទៅតាមលក្ខណ:បច្ចេកទេសត្រឹមត្រូវអគ្គីសនីកម្ពុជាមានការឯកភាព ប៉ុន្តែបើការតភ្លើងឬដាក់កុងត័រនោះមិនមានបច្ចេកទេសត្រឹមត្រូវអគ្គីសនីកម្ពុជានិងរុះរើចេញ ហើយបំពាក់កុងទ័រថ្មីរបស់រដ្ឋ ។
លោក អ៊ឹម សុផាន់ មិនបានឆ្លើយតបទៅនិងការលើកឡើងរបស់ប្រជាពលរដ្ឋនោះឡើយ ជុំវិញការចោទថា អគ្គីសនីកម្ពុជាមានការគុណលុយលើសចំនួនកំណត់ នៅពេលប្រព័ន្ធកុងទ័រគីឡូវ៉ាត់ម៉ោងមិនដំណើរការ ។
មិនថាតែបញ្ហាអគ្គីសនីប៉ុណ្ណោះទេ ដែលរងនូវការរិះគន់ សូម្បីបញ្ហាសំរាមក៍ត្រូវបានរិះគន់ដោយប្រជាពលរដ្ឋស្រដៀងគ្នាផងដែរ ពោលគឺអគ្គីសនីតែងតែគិតលុយបូកបញ្ចូលជាមួយនិងសេវាកម្មប្រមូលសំរាម ទោះបីប្រជាពលរដ្ឋមិនមានសំរាមឬសំរាមតិចតួចក៍ដោយ ។ បញ្ហានេះហើយទើបធ្វើឱ្យប្រជាពលរដ្ឋចោទអគ្គីសនីនិងក្រុមហ៊ុន ស៊ិនទ្រី ថា មិនបានបំរើសេវាកម្មទាន់ពេល ៕
