ខេត្តក្រចេះ ៖ នៅថ្ងៃទី ៣០ ខែតុលាកន្លងទៅថ្មីៗនេះ នៅ ក្នុងពិធីបញ្ចុះបឋមអគារសិក្សា ជូនដល់សាសនិកខ្មែរអ៊ិស្លាម ជាង ២០០គ្រួសារ នៅភូមិ ពាក់ស្បែក ឃុំ២ធ្នូ ស្រុកស្នួល ដែលមានកូនគ្រប់អាយុចូល រៀនជាង ១០០នាក់ សម្តែង ការសាទរលើការបរិច្ចាគ របស់លោកមេបញ្ជាការរងយោធាវរព្រំដែនលេខ ២០៤ ដែលបានផ្តល់អគារសិក្សាមួយ ខ្នង មាន ២ បន្ទប់ និងផ្តល់ដី ឡូតិ៍មួយកន្លែងផ្សេងទៀត សម្រាប់ប្រើប្រាស់ជាប្រយោ ជន៍រួមក្នុងភូមិ ។
នៅក្នុងឱកាសនោះដែរ ប្រជាពលរដ្ឋជាខ្មែរអ៊ិស្លាម ជាង២០០គ្រួសារ បានសម្តែង ការត្រេកអរចំពោះសប្បុរសជន ដែលបានផ្តល់អគារសិក្សា សម្រាប់កូនចៅរបស់ពួកគាត់ បានរៀនសូត្រ គឺលោកអនុសេនីយ៍ឯក គង់ ក្រឹង មេបញ្ជាការរងយោធាវរព្រំដែន លេខ ២០៤ ខណៈដែលកន្លង មកកូនចៅរបស់ពួកគាត់បាន បាត់បង់ការសិក្សាព្រោះគ្មាន សាលារៀននិងខ្លះបានរៀន តិចតួចនៅក្នុងព្រះវិហារតែ ប៉ុណ្ណោះ ។
ប្រជាពលរដ្ឋខ្មែរអ៊ិស្លាម ទាំងនេះបានលើកឡើងថា កន្លងមកមេបញ្ជាការរងយោ ធាវរព្រំដែនលេខ២០៤ ដែល មានលោកអនុសេនីយ៍ឯក គង់ ក្រឹង តែងតែបរិច្ចាគទឹក ប្រាក់ផ្ទាល់ខ្លួនជួយដល់សាសនិ កអ៊ិស្លាមនៅក្នុងស្រុកស្នួល ខេត្តក្រចេះ នៅភូមិដែលខ្វះ ខាតដូចជា ការកសាងផ្លូវលំ អណ្តូងទឹក ស្រះទឹក សាលារៀន និងព្រះវិហារ….ជាដើម ៘
បើតាមមន្ត្រីសាលាស្រុក ស្នួលបាននិយាយឱ្យដឹងថា អគារសិក្សា ១ខ្នង មាន ២ បន្ទប់ ដែលត្រូវធ្វើពិធីបញ្ចុះ បឋមសិលាសាងសង់នេះ ចំណាយទឹកប្រាក់អស់ជាង ៣ ម៉ឺនដុល្លារ ហើយក៏សម្រេច ការសាងសង់ឱ្យរួចរាល់ក្នុង អំឡុងពេល ៣ខែ ខាងមុខ ។
ជំនួសមុខឱ្យបងប្អូនខ្មែរ អ៊ិស្លាមទាំងជាង ២០០គ្រួសារនេះ លោក ម៉ែន វណ្ណា អភិបាលរងស្រុកស្នួល ដែល បានអញ្ជើញចូលរួមក្នុងពិធី បញ្ចះបឋមសិលាសាងសង់ បានសម្តែងការអរគុណចំពោះ ទឹកចិត្តបរិច្ចាគរបស់លោកមេ បញ្ជារងយោធាវរការពារព្រំ ដែនលេខ ២០៤ ។ លោក អភិបាលរងស្រុកបានឱ្យដឹងថា កូនៗរបស់បងប្អូនខ្មែរអ៊ិស្លាម ពិតជាទទួលបានចំណេះដឹងពី ការរៀនសូត្រទាំងអក្សរសាស្ត្រខ្មែរ និងអក្សរអារ៉ាប់ ។
លើសពីនេះទៅទៀត លោក ម៉ែន វណ្ណា ក៏បានអំពាវនាវដល់បងប្អូនខ្មែរអ៊ិស្លាម ដែលគ្រប់អាយុ សូមទៅចុះ ឈ្មោះបោះឆ្នោតឱ្យបានគ្រប់ៗ គ្នា ៕
