ខេត្តបន្ទាយមានជ័យ ៖ ក្រុមប៉េអឹមដែលល្បីថាប្រព្រឹតខុសនិងកាតព្វកិច្ចជានគរបាលយុត្តិធម៌កាលពីថ្ងៃទី១៣ខែតុលា២០១៦ ពាក់ពន្ធ័លើករណីចុះបង្ក្រាបនៃក្រុមចោរឆក់កាបូបអាជីវករនៅច្រកអន្តរជាតិក្លងឡឹកស្រុកអារញខេត្តស្រះកែវប្រទេសថៃ ដែលនៅទល់មុខច្រកព្រំដែនប៉ោយប៉ែត។ ក្រោយមកបែកធ្លាយរឿងអាស្រូវដឹងដល់លោកឱ បូរិន មេបញ្ជាការកងរាជអាវុធហត្ថខេត្តបន្ទាយមានជ័យ ក៏បានកោះហៅឲ្យ ឈ្មោះតែមប៊ូឡា មេបញ្ជាការរងក្រុងប៉ោយប៉ែតដែលដឹកនាំចុះបង្ក្រាបរួមនិងគួកន៣រូបផ្សេងទៀតឲ្យទៅបំភ្លឺនៅមុខមេបញ្ជាការខេត្តបន្ទាយមានជ័យនោះ ។
ក្រោយសួរនាំរួចលោកឱបូរិនមេបញ្ជាការបានបញ្ជូនរបាយការណ៏ជូនទៅនាយឧត្តមសេនីយ៏សៅសុខាប្រភពបានបន្តថា៖ ក្រោយពីលោកសៅ សុខា បានទទួលរបាយការណ៏ពីមេបញ្ជាការខេត្តហើយ ក៏ចារឲ្យចាត់ការក្រុមប៉េអឹមដែលពាក់ពន្ធ័នោះតាមនិតិវិធីនៃច្បាប់ ។ ប៉ុន្តែព័ត៌មានត្រូវបានដឹងដល់លោកតែម ប៊ូឡា មេបញ្ជាការរងរូបនោះ ស្រាប់តែនៅយប់ម៉ោងប្រមាណជាង១១ឈ្មោះតែម ប៊ូឡា បានរត់គេចខ្លួនពីទីបញ្ជាការខេត្តទៅសម្ងំលាក់ខ្លួនចំនួន០២ថ្ងៃទើបសម្រេចចិត្តចូលខ្លួនម្តងទៀតនៅថ្ងៃទី២០តុលា២០១៦ម្សិលមិញហើយក៏ត្រូវបានព្រះរាជអាជ្ញាបញ្ជាឲ្យបន្តឃុំខ្លួនទាំង០៤នាក់នៅពន្ធនាគារស្ថិតក្នុងភូមិគាបសង្កាត់ទឹកថ្លាក្រុងសិរីសោភណ័ខេត្តបន្ទាយមានជ័យ ។
ពាក់ពន្ធ័រឿងរ៉ាវខាងលើនេះប្រភពព័ត៌មានបានលើកឡើងថា ក្រោយពីលោកតែមប៊ូឡាបានដឹងដំណឹងមុខសញ្ញាលួចលុយស្ត្រីនៅក្នុងឡានអស់ជាង៥០ម៉ឺនបាតកាលពីយប់ថ្ងៃទី១៣តុលាភ្លាម លោកក៏បានដាក់កម្លាំងតាមស្ទាក់រហូតចាប់ខ្លួនបានហើយក៏ឲ្យលុយទៅចោរនោះម្នាក់៣ពាន់បាតចំណែកមន្ត្រីអាវុធហត្ថផ្សេងទៀត៣នាក់គឺទទួលបានប្រាក់ម្នាក់១ម៉ឺនបាតនៅប៉ុន្មានគេសង្ស័យធ្លាក់ក្នុងដៃមេបញ្ជាការរងរូបនោះម្នាក់ឯង ។
យ៉ាងណាក៏ដោយលោកតែមប៊ូឡាធ្លាប់បានប្រាប់ថា លុយលោកបានដកពីដៃចោរសរុបបានត្រឹមតែ១៣ម៉ឺនបាតទេ ហើយលុយនោះលោកបានរក្សាទុកឲ្យម្ចាស់ដើមគឺស្ត្រីរងគ្រោះ ។
ប្រភពឲ្យដឹងនៅថ្ងៃទី២១ខែតុលា២០១៦នេះថា ក្រុមមន្ត្រីអាវុធហត្ថក្រុងប៉ោយប៉ែតទាំងនោះ គឺត្រូវបានតុលាការសាលាដំបូងខេត្តបន្ទាយមានជ័យបញ្ជូនខ្លួនទៅឃុំដាក់នៅពន្ធនាគារបណ្តោះអាសន្ន ក្នុងនោះមានឈ្មោះ តែម ប៊ូឡា មេបញ្ជាការង ឈ្មោះ សំសូណែល ជាមន្ត្រីឈ្មោះ ចន្ទ័ ហាវ ជាមន្ត្រី និងម្នាកើទៀតមិនស្គាល់ឈ្មោះ ដោយឡែក ឈ្មោះ រស់ សាហាន មានឋានៈជាមេបញ្ជាការរងដែរនោះនិងឈ្មោះ វីរៈ ជាប់ពិន័យនៅបញ្ជាការខេត្តប/ជ ពាក់ពន្ធ័និងដឹងរឿងហើយមិនរាយការណ៍ជូនថ្នាក់លើ៕
