នៅថ្ងៃសៅរ៍ ទី ១៥-១៦ ខែ តុលា នេះ នឹងមានពិធីប្រណាំងទូកនៅមាត់ទន្លេក្រុងតាខ្មៅ ខេត្តកណ្តាល ដើម្បីអបអរសាទរពិធីបុណ្យចេញព្រះវស្សាផង និងដើម្បីជ្រើសរើសទូកដែលជាប់ចំណាត់ថ្នាក់ល្អដើម្បីត្រៀមចូលរួមប្រកួតប្រណាំងនៅក្នុងពិធីបុណ្យអុំទូក អកអំបុក សំពះព្រះខែ នៅថ្ងៃទី ១៣-១៤-១៥ ខែ វិច្ឆិកា ឆ្នាំ ២០១៦ នៅមុខព្រះបរមរាជវាំង រាជធានីភ្នំពេញ។
កម្មវិធីប្រណាំងទូកនៅមាត់ទន្លេក្រុងតាខ្មៅថ្ងៃនេះគឺចាប់ផ្តើមនៅម៉ោង ១:៣០ នាទីរសៀល។ សម្តេចតេជោ ហ៊ុន សែន នឹងអញ្ជើញចូលរួមទស្សនា គាំទ្រ និងលើកទឹកចិត្តដល់កីឡាករអុំទូកនៅថ្ងៃអាទិត្យ ទី ១៦ ខែ តុលានេះ។ កម្មវិធី “ខ្ញុំជាយុវជនគំរូកម្ពុជា” ក៏មានទូកឈ្មោះ “ជ័យសំរោងតេជះ” ចូលរួមប្រណាំងផងដែរ។
សូមបងប្អូនប្រជាពលរដ្ឋ ជាពិសេសយុវជន យុវតី ចូលរួមទស្សនា និងគាំទ្រកីឡាអុំទូកយើងអោយបានច្រើនកុះករទាំងអស់គ្នានៅថ្ងៃសៅរ៍នេះ និងនៅថ្ងៃអាទិត្យកុំបីខាន ។
