ខេត្តប៉ៃលិន ៖ ប្រជាពលរដ្ឋ ដែលធ្វើដំណើរចេញចូលទៅមកតាមច្រកទ្វារអន្តរជាតិព្រំ ស្រងាកចិត្តយ៉ាងខ្លាំង ខណៈឃើញភ្នំអភិរក្សមួយកន្លែង ត្រង់ចំណុចក្រោយកាស៊ីណូម្កុ ដពេជ្រ ក្បែរវត្តសារវ៉ាន់ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ កំពុងទទួលរងការរ លាយបាត់បង់ ដោយសារតែអាជ្ញាធរ និងមន្ទីរពាក់ព័ន្ធ ឃុបឃិតជាមួយឈ្មួញមានលុយ យកគ្រឿងចក្រទៅជីកកកាយ ដឹកតាមរថយន្តលក់យ៉ាងគគ្រឹកគគ្រេង ហើយពេលរាបស្មើយកធ្វើជាក ម្មសិទ្ធិផ្ទាល់ខ្លួន ។ ខណៈក្រុមអ្នកសារព័ត៌មានចុះទៅសួរនាំកាលពីរសៀលថ្ងៃទី១៣ ខែតុលា ឆ្នាំ២០១៦ នេះ ស្រាប់តែគេប្រាប់ថា មានប្លង់ចេញពីអាជ្ញាធរភូមិ ឃុំ រហូតដល់ស្រុកខេត្ត អស់ហើយ បើចង់ចុះផ្សាយអី ក៏គេមិនខ្លាចញញើតនោះដែរ ។
បើតាមប្រជាពលរដ្ឋជាច្រើន រស់នៅក្បែរកន្លែងជីកកកាយដីភ្នំនោះ បានលើកឡើងថា ភ្នំនៅតំបន់អភិរក្សខាងលើ ត្រូវបានឈ្មួញមានលុយ ឃុបឃិតគ្នាជាមួយអាជ្ញាធរមូលដ្ឋាន យកគ្រឿងចក្រទៅជីកកកាយដី ដឹកលក់អស់រយៈពេលជាច្រើនថ្ងៃខែកន្លងមកហើយ តាំងពីភ្នំខ្ពស់ រហូតដល់ក្លាយទៅជារាបស្មើអស់រលីង ។ ប្រភពបន្តទៀតថា បើសិនជាអាជ្ញាធរ និងមន្ទីរពាក់ព័ន្ធ មិនចុះហត្ថលេខា ឬបើកដៃឱ្យពួកឈ្មួញយកគ្រឿងចក្រទៅជីកកកា យបែបនេះទេ ក៏ពួកគេមិនហ៊ានបែបនេះដែរ ។ ដូច្នេះហើយ មើលទៅភ្នំអភិរក្សនៅក្បែរច្រ កទ្វារអន្តរជាតិព្រំ នឹងរលាយទាំងអស់នាពេលឆាប់ៗ ខាងមុខជាក់ជាមិនខាន ។ ប្រជាព លរដ្ឋ បានបញ្ជាក់ទៀតថា ទោះបីជាយ៉ាងណាក៏ដោយ តំបន់ភ្នំអភិរក្ស គឺជាកន្លែងដែលអាជ្ញាធរមានតួនាទីថែរក្សាទាំងដើមឈើ និងតួភ្នំទាំងមូល មិនអាចឈ្មួញណាម្នាក់ យកគ្រឿងចក្រទៅជីកកកាយ ស្រេចតែនឹងចិត្តនោះឡើយ ហើយមិនត្រូវធ្វើឱ្យខូចទ្រង់ទ្រាយដើមនោះដែរ ។ ប្រជាពលរដ្ឋសម្តែងនូវការខកចិត្ត អស់សង្ឃឹមយ៉ាងខ្លាំង ចំពោះគ្រប់គ្រង ធនធានធម្មជាតិរបស់អាជ្ញាធរ ក៏ដូចជាមន្ត្រីពាក់ព័ន្ធ ព្រោះភ្នំជាច្រើន ដែលជាកេរ្តិ៍តំណែល សល់ពីដូនតា ត្រូវបានគេបំផ្លិចបំផ្លាញអស់យ៉ាងដំណំរៀងរាល់ថ្ងៃ ។ មើលទៅកូនចៅជំនា ន់ក្រោយ លែងបានស្គាល់ភ្នំនៅតំបន់ខាងលើនេះទៀតហើយ បើក្រុមឈ្មួញចេះតែឃុបឃិតជាមួយនឹងអាជ្ញាធរ យកគ្រឿងចក្រទៅជីករំលាយភ្នំស្រេចតែចិត្តនឹកឃើញបែបនេះ ។
ពាក់ព័ន្ធទៅនឹងបញ្ហានេះ លោក គឹម សុខា ប្រធានមន្ទីរបរិស្ថានខេត្ត បានឱ្យដឹងថា ការជីកកកាយដីភ្នំអភិរក្សនេះ គឺគេមានប្លង់រួចរាល់អស់ហើយ ។ ម្យ៉ាងវិញទៀត ម្ចាស់ដី នោះគេមានខ្នងធំណាស់ ខាងលោកមិនហ៊ានចុះទៅធ្វើការហាមឃាត់នោះឡើយ មានតែ ពឹងឱ្យខាងសារព័ត៌មានចុះផ្សារប៉ុណ្ណោះ ។
ចំណែកលោក សំ សារ៉េត អភិបាលស្រុកសាលាក្រៅ បានឱ្យដឹងថា ខាងលោកមិន ទាន់បានដឹងរឿងនេះច្បាស់នៅឡើយទេ បន្ទាប់ពីទទួលដំណឹងមួយនេះ ចាំមើលនៅថ្ងៃខា ងមុខ លោកនឹងចាត់ឱ្យមន្ត្រីក្រោមឱវាទចុះទៅពិនិត្យមើល ដើម្បីធ្វើការហាមឃាត់ម្ចាស់គ្រឿងចក្រទាំងនោះទុកតែម្តង ៕ ដោយ ៖ នីយ៉ា
