ឯកឧត្តម ស៊ី ជីនភីង ប្រធានាធិបតី នៃសាធារណរដ្ឋប្រជាមានិតចិន នឹងចាប់ផ្តើមទស្សនកិច្ចផ្លូវរដ្ឋរយៈពេល ពីរថ្ងៃនៅព្រះរាជាណាចក្រកម្ពុជា នាថ្ងៃព្រហស្បតិ៍សប្តាហ៍នេះ តាមការអញ្ជើញរបស់ព្រះករុណា សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។
នៅពេលឯកឧត្តម ស៊ី ជីនភីង ទទួលរ៉ាប់រងនូវមុខតំណែងជាអ្នកដឹកនាំកំពូលនៃបក្ស និងរដ្ឋចិនកាលពីខែវិច្ឆិកា ឆ្នាំ២០១២ ប្រទេសចិនកំពុងតែស្ថិតក្នុងដំណាក់កាលជាគន្លឹះសម្រាប់វិវឌ្ឍន៍ឈានចូលដល់សង្គមធូរធារល្មមដោយគ្រប់ជ្រុងជ្រោយ។ក្នុងពេលជាមួយគ្នានេះ ប្រទេសចិនបានក្លាយទៅជាតួអង្គសេដ្ឋកិច្ចធំទី២លើពិភព- លោក សេដ្ឋកិច្ចចិនបានក្លាយទៅជាក្បាលម៉ាស៊ីនបញ្ឆេះដ៏សំខាន់នៃកំណើនសេដ្ឋកិច្ចពិភពលោក។ក្នុងឋានៈ ជាអ្នកដឹកនាំនៃតួអង្គសេដ្ឋកិច្ចនេះ ឯកឧត្តម ស៊ី ជីនភីង បានឈរក្នុងជួរមុខនៅលើឆាកអន្តរជាតិ។
