ខេត្តប៉ៃលិន ៖ មានការភ្ញាក់ផ្អើលមួយបានកើតឡើង ដោយប្រជាពលរដ្ឋប្រទះឃើ ញសពស្ត្រីម្នាក់ ដេកស្លាប់ផ្កាប់មុខនៅក្នុងប្រឡាយជាមួយនឹងថ្លុកឈាម និងម៉ូតូធ្លាក់នៅក្នុងផ្លូវលំ១ខ្សែ ដែលដាច់ ហើយគេបានស្គាល់ស្ត្រីរងគ្រោះនេះថា ជាប្រពន្ធរបស់នាយរងប៉ុ ស្តិ៍រដ្ឋបាលនគរបាលសង្កាត់អូរតាវ៉ៅ ។
ហេតុការណ៍ប្រទះឃើញសពស្ត្រីរងគ្រោះ ដែលត្រូវគេវាយសម្លាប់នេះ បានកើតឡើងកាលពីវេលាម៉ោង៥និង៣០នាទីព្រឹកថ្ងៃទី១២ ខែតុលា ឆ្នាំ២០១៦ ស្ថិតនៅក្នុងប្រឡាយភក់មួយ ក្នុងភូមិអូរតាប្រាង សង្កាត់ប៉ៃលិន ក្រុងប៉ៃលិន ។
ប្រភពព័ត៌មានពីបុរសដែលជាប្តី ឈ្មោះ ទូច ឈិនលីន អាយុ៣២ឆ្នាំ ជានាយរងប៉ុ ស្តិ៍រដ្ឋបាលសង្កាត់អូរតាវ៉ៅបានឱ្យដឹងថា សពស្ត្រីខាងលើជាប្រពន្ធរបស់ខ្លួន ឈ្មោះ កូវ សៀវហេង អាយុ២៥ឆ្នាំ មានកូនប្រុសពីរនាក់ក្នុងបន្ទុក កូនបងអាយុ៥ឆ្នាំ និងប្អូនអាយុ១ឆ្នាំជាង រស់នៅភូមិ កូនភ្នំ សង្កាត់អូរតាវ៉ៅ ក្រុងប៉ៃលិន ។ លោកបន្តទៀតថា កាលពីវេលាម៉ោង៧និង៣០នាទីយប់ថ្ងៃទី១១ ខែតុលា ឆ្នាំ២០១៦ ប្រព ន្ធរបស់ខ្លួនបានប្រាប់ថា សុំទៅទិញបង្អែមនៅសួនកុមារមួយភ្លែត ដោយទាញយកម៉ូតូរបស់ខ្លួន ដែលជាម៉ូតូអង្គភាពជិះចេញទៅ រហូតដល់ម៉ោង៩ និង០០នាទីយប់ មិនឃើញប្រពន្ធត្រឡប់មកផ្ទះវិញ ហើយម្យ៉ាងវិញទៀត កូនតូចយំរកម្តាយ ក៏រត់ទៅខ្ចីម៉ូតូអ្នកជិតខា ងតាមរកប្រពន្ធ តែរកគ្រប់ច្រកល្ហក តាមផ្ទះសំណាក់ និងកន្លែងនានាពេញ១យប់នៅតែមិ នឃើញ ។
លោកបានបន្តទៀតថា នៅវេលាម៉ោង៦ព្រឹកថ្ងៃដដែល មានគេទូរស័ព្ទប្រាប់គា ត់ថា ប្រទះឃើញសពស្ត្រី ដោយសង្ស័យថា ជាប្រពន្ធរបស់ខ្លួន ក៏ទៅពិនិត្យទើបស្គាល់ថា ជាសពប្រពន្ធរបស់ខ្លួនតែម្តង ។ លោកបញ្ជាក់ទៀតថា គ្រួសាររបស់ខ្លួនមិនធ្លាប់មានទំនា ស់ជាមួយនរណាម្នាក់ទេ ហើយនាងនៅតែផ្ទះមើលថែទាំកូនទាំងពីរនាក់ប៉ុណ្ណោះ ។
ប្រភពពីប្រជាពលរដ្ឋបានឱ្យដឹងថា នៅយប់វេលាម៉ោងប្រហែល៨យប់ ស្ត្រីរងគ្រោះបានជិះម៉ូតូឌុប បុរសម្នាក់ចេញពីក្បែរផ្ទះរបស់ខ្លួនសំដៅទៅទិសខាងលិច ហើយក៏បាត់ខ្លួន រហូតតែម្តង ។
ប្រជាពលរដ្ឋដែលមានផ្ទះនៅជិតកន្លែងកើតហេតុ បានឱ្យដឹងថា ឃើញមានបុរសស្ត្រី១គូ បានជិះម៉ូតូយ៉ាងលឿន សំដៅទៅព្រៃខាងក្រោយភូមិ ដល់កន្លែងកើតហេតុ ក៏ឮសូរសម្លេងឈ្លោះប្រកែកគ្នា រួចក៏ស្ងាត់ទៅវិញ ។ ស្រាប់តែព្រឹកឡើងក៏ប្រទះឃើញសព ស្ត្រីរងគ្រោះខាងលើដេកស្លាប់នៅក្នុងប្រឡាយ ។ ចំណែកម៉ូតូធ្លាក់នៅក្នុងផ្លូវដាច់ រួចក៏រា យការណ៍ជូនសមត្ថកិច្ចតែម្តង ។
ចំណែកសមត្ថកិច្ចនគរបាលស្នងការខេត្តប៉ៃលិន មិនទាន់ហ៊ានសន្និដ្ឋានថា ជាករណីអ្វីឱ្យប្រាកដនោះទេ កំពុងតែធ្វើការវាស់វែង និងធ្វើកោសល់វិច្ច័យ ដើម្បីឈានទៅរកចាប់ឃាតករយកមកផ្តន្ទាទោសតាមផ្លូវច្បាប់ ៕
ដោយ ៖នីយ៉ា
