ខេត្តប៉ៃលិន ៖ មកដល់ពេលនេះ មន្ត្រីសាខាគយ និងរដ្ឋាករខេត្ត បានសហការជាមួយកម្លាំងកងរាជអាវុធហត្ថក្រុង និងនគរបាលចរាចរ នៃស្នងការដ្ឋានខេត្តប៉ៃលិន រួមទាំងមន្ត្រីតុលាការ បានធ្វើការ ចុះត្រួតពិនិត្យមើលម៉ូតូ និងរថយន្តចង្កូតឆ្វេង ស្តាំ គ្រប់ប្រភេទ ដែលម្ចាស់អត់បានបង់ពន្ធជូនរដ្ឋគ្រប់ចំនួន ។ ម្យ៉ាងវិញទៀត អ្នកដែលនាំចូលនូវរថយន្តចង្កូតស្តាំដបង់ពន្ធបានត្រឹមតែចំនួន២០%ហើយ តែអត់បង់បន្តទៀត ទុករហូតមកដល់ពេលនេះ ក៏ត្រូវចា ប់ផាកពិន័យ និងបញ្ជូនទៅតុលាការចាត់ការតាមផ្លូវច្បាប់ផងដែរ ។
ហេតុការណ៍នេះ បានកើតឡើងកាលពីព្រឹកថ្ងៃទី២០ ខែកញ្ញា ឆ្នាំ២០១៦ ស្ថិតនៅប ណ្តោយផ្លូវជាតិលេខ៥៧ នៅមុខសាខាគយ និងរដ្ឋាករខេត្តប៉ៃលិន ក្នុងភូមិដីក្រហម សង្កាត់អូរតាវ៉ៅ ក្រុងប៉ៃលិន ។
ប្រភពព័ត៌មានពីមន្ត្រីសាខាគយនិងរដ្ឋាករខេត្តប៉ៃលិន បានឱ្យដឹងថា ដោយសង្កេតឃើញថា បន្ទាប់ពី រាជរដ្ឋាភិបាលបានប្រកាសពន្យាពេលដល់ម្ចាស់រថយន្តទាំងអស់ រយៈពេលជាច្រើនថ្ងៃខែ ក្នុងការបង់ពន្ធជូនរដ្ឋ ជាពិសេសអ្នកដែលនាំចូលនូវរថយន្តចង្កូតស្តាំពីប្រទេសថៃ បានបង់ពន្ធត្រឹមតែ២០% ហើយមិនបន្តបង់ផ្តាច់ទៀត ដោយទុករហូតដល់ផុតកំណត់ ទើបខាងសាខាគយ និងរដ្ឋាករសហការជាមួយសមត្ថកិច្ចជំនាញទាំងអស់ ចុះត្រួតពិនិត្យ និងចាប់យកទៅរក្សាទុក នៅស្នាក់ការ ដើម្បីចាត់ការតាមនីតិវិធី ។ ប្រភពប្តទៀតថា ម៉ូតូគ្រប់ប្រភេទ ដែលអត់បង់ពន្ធពីមុនក៏ត្រូវចាប់ឃាត់ ដើម្បីធ្វើការផាកពិន័យផងដែរ ហើយការប្រតិបត្តិការនេះ នឹងធ្វើជាបណ្តើរៗ
រហូតដល់ចប់ថ្ងៃបុណ្យភ្ជុំបិណ្ឌ ទើបរឹតបន្តឹងពេញទំហឹងតែម្តង ។ តែនៅព្រឹកថ្ងៃដដែលនេះ ខាងសមត្ថកិច្ចមិនទាន់ស្ទាក់ចាប់បានរថយន្តអត់ពន្ធណាមួយនៅឡើ យទេ ។
ចំណែកខាងមន្ត្រីនគរបាលចរាចរជើងគោក នៃស្នងការដ្ឋានខេត្តប៉ៃលិន បានឱ្យដឹងថា ក្រៅពីពិនិត្យពន្ធម៉ូតូ និងយានយន្តគ្រប់ប្រភេទ ខាងនគរបាល ក៏ធ្វើការត្រួតពិនិត្យទៅលើកញ្ច ក់ មួក និង ខ្សែក្រវ៉ាត់រថយន្ត ឈៀក ពន្ធផ្លូវ ព្រមទាំងផាកពិន័យចំពោះរថយន្តដឹកទំនិញសំពី ងសំពោង ដែលបណ្តាលឱ្យកើតមានបញ្ហាគ្រោះថ្នាក់ចរាចរនៅតាមដងផ្លូវផងដែរ ។ ម្យ៉ាងវិញទៀត អ្នកបើកបរម៉ូតូឌុបគ្នា៣នាក់ បើក្មេងនោះចាប់ពីអាយុ៣ឆ្នាំ រហូតដល់១០ឆ្នាំ រួមដំណើរជាមួយអត់ផាកពិន័យនោះទេ ហើយរថយន្តតូចៗកែច្នៃមួយចំនួន ផ្ទុកទំនិញលើសចំណុះ ដែ លខាងមន្ទីរសាធារណៈការ និងដឹកជញ្ជូនចេញឈៀកឱ្យប្រប្រាស់ ជាហេតុនាំឱ្យមានការលំ បាកចំពោះនគរបាលមិនអាចផាកពិន័យបានឡើយ ។ លើសពីនេះខាងនគរបាល គ្រាន់តែផា កពិន័យ យកលុយរួចអនុញ្ញាតិឱ្យបន្តទៅមុខទៀត ព្រោះផាកមួយថ្ងៃ លុះដល់ថ្ងៃស្អែកក៏ដឹក បន្តទៀត ទើបផាកបន្តរហូតតែម្តង រីឯម្ចាស់រថយន្តមិនរាងចាលនោះឡើយ ៕ ដោយ ៖ នីយ៉ា
