ខេត្តសៀមរាប ៖ សង្កាត់ជ្រាវ ស្ថិតនៅក្នុងក្រុងសៀមរាប ខេត្ត សៀមរាបមានប្រជាពលរដ្ឋរស់នៅ ចំនួន ១៤៥៣ គ្រួសារ មនុស្សសរុប ចំនួន ១២៣៥៧ នាក់ ស្រី ៦១១៤ នាក់ ។ ផ្ទៃដីបង្កបង្កើនផលស្រូវប្រាំង ចំនួន ៩២១ហិកតា និងផ្ទៃដីបង្ក បង្កើន ផលស្រូវវស្សាចំនួន ១៣០៤ ហិកតា ។ ក្នុងនោះលទ្ធផលនៃការ បង្កបង្កើនផលស្រូវប្រាំងបានប្រ-មាណ ៣៩១២តោន និងស្រូវ វស្សាបានប្រមាណ ២.៦៧៣តោន ទាំងអស់នេះជាទិន្នផលសម្រាប់ឆ្នាំ ២០១៥កន្លងមក ។
នៅក្នុងរបាយការណ៍របស់ចៅ សង្កាត់ជ្រាវ ក្អោប រ៉ន បានបង្ហាញ ឱ្យឃើញថាប្រជាពលរដ្ឋមានជីវភាពរស់នៅល្អបង្គួរ ក៏ប៉ុន្តែបើពិនិត្យ លើស្ថានភាពជាក់ស្តែងឃើញថា គ្រួសារដែលមានដីស្រែតិចត្រឹមតែ ១ហិកតា មានចំនួន ៨១២គ្រួសារ និងគ្រួសារដែលធ្វើស្រែគ្មានដីស្រែ ផ្ទាល់ខ្លួនមានចំនួន ២៩៨គ្រួសារ ។
ដូច្នេះអាចសន្ន៉ិដ្ឋានបានថា ប្រជាពលរដ្ឋជិតពាក់កណ្តាលនៃ ប្រជាពលរដ្ឋសរុបស្ថិតនៅក្នុងជីវភាពខ្វះខាតដែលចាំបាច់ពួកគាត់ ត្រូវបង្កើនមុខរបរដើម្បីបំពេញ បន្ថែមលើជីវភាពប្រចាំ ថ្ងៃដូចជា ដាំដំណាំរួមផ្សំ បន្លែបង្កាជាច្រើន ដើម្បីនាំចេញទៅលក់នៅទីផ្សារ ក្នុងក្រុងសៀមរាប និងចិញ្ចឹមសត្វ សម្រាប់ធ្វើ ចំណីអាហារផង និង សម្រាប់លក់ដូរផងនិងធ្វើជាកម្លាំង អូសទាញមានក្រុមគ្រួសារខ្លះទៀត ធ្វើជាអាជីវករលក់ដូរនៅទីផ្សារ ផងដែរ ។
ជាមួយគ្នានោះដែរ ស្ថានភាព ផ្លូវក្នុងសង្កាត់ជ្រាវភាគច្រើនសំបូរ ទៅដោយផ្លូវលំ មានសរុបប្រវែង ២៤៧៧៩ម៉ែត្រ ។ ដោយឆ្នាំ២០១៥ កន្លងមកនេះ សង្កាត់ជ្រាវត្រូវ ប្រឈមនឹងគ្រោះទឹកជំនន់បណ្តាល ឱ្យខូចខាតផ្លូវមួយចំនួនដោយទឹក ហូរច្រោះ ។ ពិនិត្យឃើញស្ថានភាព ជាក់ស្តែងដូច្នេះហើយ លោកចៅ សង្កាត់និងក្រុមប្រឹក្សាសង្កាត់ គណៈកម្មការកសាងផែនការនិង ថវិកាសង្កាត់បានរៀបចំផែនការ ជួសជុលផ្លូវក្រាលគ្រួសក្រហមប្រវែង ៤០០០ម៉ែត្រ ក្នុងឆ្នាំ២០១៥ កន្លងមកនេះ ។ សង្កាត់ជ្រាវមាន ថ្នាក់មត្តេយ្យរដ្ឋចំនួន ៣ថ្នាក់ និង មត្តេយ្យសហគមន៍ចំនួន ១ថ្នាក់ កុមារចាប់ពីអាយុ៣ទៅ៥ឆ្នាំបានចូល រៀន២៨៦នាក់ ស្រី១៤៩នាក់ បាន ចូលរៀននៅសាលាមត្តេយ្យរដ្ឋ ។
ក្នុងសង្កាត់ក៏មានសាលាបឋម សិក្សាចំនួន ៣កន្លែងផងដែរ ដែល មានបន្ទប់សិក្សា ៣៣បន្ទប់ ក៏ប៉ុន្តែ សិស្សត្រូវរៀន រហូតដល់ទៅ ៣៦ ថ្នាក់ ដែលចាំបាច់សិស្សត្រូវរៀនពីរ ពេល គឺព្រឹក ១ពេល និងល្ងាច ១ ពេល សិស្សរៀនក្នុង ១ថ្នាក់ ៤៨ នាក់ ។ ពិនិត្យលើទិន្នន័យ សង្កេត ឃើញថា កុមារពីអាយុ ៦ឆ្នាំ ដល់ ១២ឆ្នាំ បានចូលរៀនក្នុងសាលាបឋមសិក្សាសរុបចំនួន១៧២៦នាក់ ស្រីចំនួន ៨២៥នាក់ មានគ្រូបង្រៀន ចំនួន ៣៦នាក់ ស្រី ២៨នាក់, សាលាអនុវិទ្យាល័យមាន ១កន្លែង មានបន្ទប់សិក្សាចំនួន ៤បន្ទប់ ថ្នាក់រៀនចំនួន ៦ថ្នាក់, សិស្សត្រូវ រៀនពីពេល គឺ ព្រឹក ១ពេល និង ល្ងាច ១ពេល សិស្សរៀនក្នុង១ថ្នាក់ ៤៥នាក់ ដែលមានសិស្សចំនួន ២៧២ នាក់ ស្រី ១៤៨នាក់ គ្រូបង្រៀន ១៥នាក់ ស្រី ៧នាក់ ។
គម្រោងវិនិយោគជាអាទិភាព របស់សង្កាត់ជ្រាវសម្រាប់ឆ្នាំ២០-១៦ មានដូចជា ជួសជុលផ្លូវដី ក្រហម, ជួសជុលផ្លូវដីស, សាង សង់ផ្លូវកៅស៊ូ, ស្តារប្រឡាយ, ចាក់វ៉ាក់សាំងដល់សត្វពាហនៈផ្គត់ ផ្គង់ថាមពលអគ្គិសនី,បង្កើតក្រុម ចិញ្ចឹមត្រី, បង្កើតក្រុមចិញ្ចឹមសត្វ មាន់ ទា ជ្រូក, បង្កើតក្រុមផលិត ស្រូវពូជនិងចិញ្ចឹមត្រីសហគមន៍ជា ដើម ។ នៅមានការងារជាច្រើន ទៀតដែលសង្កាត់ជ្រាវសម្រេចបាន ក្រោមការដឹកនាំរបស់លោក ក្អោប រ៉ន ជាចៅសង្កាត់បានខិតខំ យ៉ាងសកម្មក្នុងការអភិវឌ្ឍន៍មូលដ្ឋាន ធ្វើឱ្យមានការរីកចំរើនជាបន្តបន្ទាប់ គួរឱ្យកោតសរសើរ ៕
