ខេត្តស្ទឹងត្រែង ៖ នៅវេលាម៉ោងប្រមាណ០៨ និង៣០នាទីយប់ ត្រូវនឹងថ្ងៃទី៣១ ខែសីហា ឆ្នាំ២០១៦ កងកម្លាំងចម្រុះខេត្តស្ទឹងត្រែង បានធ្វើការឡោមព័ទ្ធ ឃ្លាំងឈើប្រណិតរបស់ថៅកែយួន មួយកន្លែងស្ថិតនៅចំណុចកំពុងទឹក ជិតគល់ស្ពានថ្មី ស្ពាន《មេគង្គ》 នៅភូមិបាចុង ឃុំព្រះបាទ ក្រុង.ខេត្តស្ទឹងត្រែង។ បន្ទាប់ពីបានឡោមព័ទ្ធ ក្រុមចម្រុះបាននាំគ្នា ចូលទៅពិនិត្យមើលឃើញ មានឈើប្រណិតៗ ចំនួន០៤ទូក និងរថយន្តបែនចំនួន០១គ្រឿង គឺជាប្រភេទឈើប្រណិត មានចំនួនសរុបប្រមាណ៣០ម៉ែត្រគូប កម្លាំងចម្រុះយើងកំពង់ចាត់វិធានការជាបន្តបន្ទាប់តាមផ្លូវច្បាប់ តទៅទៀត ៕ ដោយ សហការី
