ខេត្តប៉ៃលិន ៖ គ្រឿងឧបភោគបរិភោគ និងនំចំណីគ្រប់ប្រភេទ គឺជាអាហារដ៏សំខាន់ស ម្រាប់ទ្រទ្រង់សុខភាពរាងកាយមនុស្សក្មេងចាស់ឱ្យមានការរីកចម្រើនលូតលាស់ល្អ តែដោយ សារគ្រឿងហូបមួយចំនួនហួសកាលបរិច្ឆេទ និងខូចគុណភាព ទើបលោក សាន វិជ្ជាសារ៉ាវុធ ប្រធានកាំកុងត្រូលសាខាខេត្តប៉ៃលិន សហការជាមួយមន្ត្រីនៃមន្ទីរពាណិជ្ជកម្មចុះត្រួតពិនិត្យ ដកហូតទំនិញទាំងនោះជារឿយៗ ហើយថែមទាំងបង្កើតប័ណ្ណស្តីពីទំនិញខូចគុណភាពជាច្រើ នប្រភេទ ដើម្បីឱ្យប្រជាពលរដ្ឋមានការយល់ដឹងកាន់តែច្បាប់ ។
ការចុះត្រួតពិនិត្យ និងចែកប័ណ្ណទំនិញខូចគុណភាព ហួសកាលបរិច្ឆេទនេះ បានធ្វើឡើ ងកាលពីព្រឹកថ្ងៃទី១៧ ខែសីហា ឆ្នាំ២០១៦ ស្ថិតនៅបណ្តោយផ្លូវជាតិលេខ៥៩ ក្នុងផ្សារសា លាក្រៅ ភូមិវាល ឃុំសាលាក្រៅ ស្រុកសាលាក្រៅ ។
លោក សាន វិជ្ជាសារ៉ាវុធ ប្រធានកាំកុងត្រូលសាខាខេត្តប៉ៃលិន បានឱ្យដឹងថា អាហារ គ្រប់ប្រភេទ ពិតជាមានតួនាទី និងសារសំខាន់ណាស់សម្រាប់ទ្រទ្រង់សុខភាពមនុស្សគ្រប់រូប ហេតុដូច្នេះហើយបើសិនជាអាហារនោះមានសារធាតុគីមី ខូចគុណភាព ឬហួសកាលបរិច្ឆេទ នោះ ពេលប្រជាពលរដ្ឋទិញយកទៅទទួលទាន អាចប្រឈមនឹងញ្ហារាករុស ក្អួតចង្អោរ ហើយ ជួនកាលទៀត អាចបណ្តាលឱ្យពុលស្លាប់បាត់បង់ជីវិតថែមទៀតផង ។
លោកបន្តទៀតថា ម្យ៉ាងវិញទៀត ក្រុមឈ្មួញ ក៏ដូចជាម្ចាស់ស្តង់ ឬតូបតូចធំ ត្រូវតែឧស្សាហ៍ត្រួតពិនិត្យលេខកា លបរិច្ឆេទនៅលើសំបកកញ្ចប់ ឬគម្របដប កំប៉ុងឱ្យបានញឹកញាប់ បើឃើញថា លើសកាលប រិច្ឆេទហើយ ត្រូវតែយកទៅបោះចោល មិនត្រូវបន្តលក់ឱ្យពួកគាត់ទិញយកទៅទទួលទានទៀ តនោះទេ ។ លើសពីនេះ ខាងលោកក៏បានចែកប័ណ្ណទំនិញខូចគុណភាព ដើម្បីឱ្យពួកគាត់ផ្ស ព្វផ្សាយបន្តដល់អតិថិជន ត្រូវតែជៀសវាងអាហារកំប៉ុងដែលកំពិត គ្មានកាលបរិច្ឆេទត្រឹមត្រូវ លើសថ្ងៃកំណត់ និងម្ហូបអាហារខ្វះអានាម័យផងដែរ ។ លោកបញ្ជាក់ទៀតថា រីឯអ្នកលក់ឡេ លាបស្បែកនៅក្នុងផ្សារទាំងអស់ ត្រូវឈប់លាយលក់ឱ្យប្រជាពលរដ្ឋប្រើ ដើម្បីឱ្យស្បែកសត ទៅទៀត ព្រោះវាមានផលប៉ះពាល់ដល់ស្បែក ខណៈអាស៊ីតម្យ៉ាងនៅក្នុងឡេនោះធ្វើឱ្យកោសិ ការស្បែកអ្នកលាបនោះទៅជាងាប់ ឬក្លាយទៅជារោគមហារីកថែមទៀតផង ។
ចំណែកអាជីវករ ក៏ដូចជាប្រជាពលរដ្ឋមានការសប្បាយរីករាយយ៉ាងខ្លាំង ខណៈឃើញ ខាងកាំកុងត្រូល ចុះត្រួតពិនិត្យកាលបរិច្ឆេទទំនិញ និងណែនាំដល់ពួកគេជាញឹកញាប់ ឱ្យយល់ដឹងពីផលប៉ះពាល់ និងគ្រោះថ្នាក់ផ្សេងៗដោយសារអាហារខូចគុណភាព និងហួសកា លបរិច្ឆេទផងដែរ ។ បច្ចុប្បន្ននេះ មុននឹងពួកគាត់ទិញយកទៅលក់ ឬទទួលទាន តែងតែពិនិ ត្យតួលេខកំណត់ជាមុនផងដែរ ដើម្បីជៀសវាងបញ្ហាសុខភាពនៅថ្ងៃខាងមុខ ៕
ដោយ ៖ នីយ៉ា
