លោក ស៊ុន យឿន នាយក អនុវិទ្យាល័យ អមលាំង និងប្រពន្ធ ឈ្មោះ ឃឹម ចន្ធា
ហៅម៉ៅបានសសេរនៅ លើពាក្យ បណ្ដឹង មកកាន់ សម្ដេច ស ខេង ឧបនាយក រដ្ឋមន្ត្រី-រដ្ឋមន្ត្រី ក្រសួង
មហាផ្ទៃ ដាក់បទចោទ ប្រកាន់ ៧ចំណុច ទៅលើលោក ស៊ុន សុខហេង អធិការ នគរបាល ស្រុកថ្ពង ។
នៅក្នុង ពាក្យបណ្ដឹង លោក ស៊ុន យឿន និងអ្នកស្រី ឃឹម ចន្ធា ហៅម៉ៅ បានដាក់ កម្មវត្ថុ ចោទប្រកាន់
លើលោក អធិការ ស្រុកថ្ពង ៧ចំណុចពីបទៈ ១. ប៉ុនប៉ង ធ្វើឃាត ដោយចេតនា ២. អំពើឆបោក ៣.
ចោទប្រកាន់ ធ្មប់-អាប ៤. គំរាមកំហែង ប៉ុនប៉ង សម្លាប់ អួតអាងថា ខ្លួនមានលុយ មានឡាន សម្លាប់
ដោយ មានឧកញ៉ាលី យ៉ុងផាត់ នៅពីក្រោយ ៥. ពុករលួយ ធ្វើឲ្យធ្លាក់ សន្លឹកឆ្នោត គណបក្ស ប្រជាជន ៦.
បំផ្លាញជាតិ សុំដកចេញ ពីក្របខណ្ឌ នគរបាល ៧. ទាមទារ សំណង ចំនួន ៣៥០០០ដុល្លារ (បីម៉ឺន
ប្រាំពាន់ដុល្លារ) ទើបឈប់ប្តឹង នឹងបទរំលោភយកដី ប្រជាពលរដ្ឋ ។
សូមបញ្ជាក់ផងដែរថា នៅក្នុងពាក្យ បណ្ដឹង លោកនាយក សាលា ស៊ុនយឿន មានការ ផ្សព្វផ្សាយ
តាមទូរទស្សន៍កញ្ចក់ CNC ផងដែរ។នាយក អនុវិទ្យាល័យ អមលាំង ប្តឹងអធិការ ស្រុកថ្ពង ៧ចំណុច។
ពាក់ព័ន្ធ ទៅនឹងពាក្យ បណ្ដឹងលោក ស៊ុន យឿន និងប្រពន្ធ ដែលចោទ លោកអធិការ ទាំង៧ចំណុច ត្រូវបាន
លោកអធិការ ផ្តល់នូវ ឯកសារ មួយចំនួន រួមមានពាក្យ បណ្ដឹងលោក ស៊ុន យឿន និងប្រពន្ធ ឈ្មោះ ឃឹម
ចន្ធា ហៅម៉ៅ និងស្នាមមេដៃ របស់ ប្រជាពលរដ្ឋ រាប់សិបនាក់ រួមទាំង ឯកសារ ប្រជាពលរដ្ឋ
៥ភូមិមាន ចំនួន៣៥នាក់ បដិសេធ យកស្នាមមេដៃ របស់ពួកគាត់ ទៅប្តឹង ខុសពី គោលបំណង ពិតប្រាកដ
ថែមទៀតផង ។បើតាមការ បកស្រាយ របស់លោក អធិការ ស្រុកថ្ពង គឺក្រុម គ្រួសារលោក ស៊ុន យឿន
គឺជាអ្នក រាប់អានគ្នា ជិតស្និទ្ធ ខ្លាំងណាស់ រហូត រូបលោក បានឲ្យប្រាក់ ខ្ចីដល់ទៅ ១០០០០ដុល្លារ
ថែមទៀតផង ។ ប៉ុន្តែក្រោយមក ប្រពន្ធលោក មានជម្ងឺ ដោយនាំ យកទៅ ព្យាបាលនៅ វៀតណាម
ត្រូវបានគ្រូពេទ្យ រកមិនឃើញ ពីអាការៈរោគ ហើយនាំទៅ ព្យាបាលនៅ ថៃក៏ពុំឃើញ មានការ បញ្ជាក់
លើរោគអ្វី នោះដែរ ទើបលោក សម្រេចឲ្យ អ្នកជិតខាង នាំទៅរក គ្រូខ្មែរ ព្យាបាល ព្រោះរូបលោក
ត្រូវទៅរៀន នៅវៀតណាម ។ ទោះបីថា រូបលោកពុំ បានជឿទៅ លើជំនឿ អរូបិយ សូម្បីបន្តិច ។
ប៉ុន្តែតាមការអះអាង របស់អ្នក ដែលនាំប្រពន្ធ លោកទៅ ព្យាបាល គឺគេបាន អះអាង តាមពាក្យគ្រូ
ថាប្រពន្ធគាត់ ត្រូវធ្មប់-អាប ហើយអ្នក ដែលប៉ុនប៉ង គឺជាអ្នក ដែលជិតស្និទ្ធ នឹងក្រុមគ្រួសារ លោក
ថែម ទៀតផង ។
មានថ្ងៃមួយ ដោយក្តី អាណិត ស្រឡាញ់ ចំពោះរូប លោកអធិការ បន្ទាប់ពី ស្រស់ស្រូបនៅ ហាងគុយទាវរួច
ក៏មានអ្នក ចូលរួមសួរនាំ ថាប្រពន្ធ លោកអធិការ កន្លងមក ពិតជាត្រូវ ធ្មប់គេហើយ ទើបធ្វើឲ្យ
លោកបង្ខំចិត្ត ឆ្លើយតប ទាំងបង្ខំថា អារឿង ធ្មប់-អាប វាមិនដែល ឈ្នះអាកា និងគ្រាប់បេ
នោះទេ ។ ដោយសារ ពាក្យលោក ឆ្លើយតប នៅកន្លែង សាធារណៈនេះហើយ ទើបលោក ស៊ុន យឿន និ
ងប្រពន្ធ ផ្តើមគំនិត សុំការគាំទ្រ ដោយផ្តិត មេដៃពី ប្រជាពលរដ្ឋ ថាក្រុម គ្រួសារគាត់ មិនបានចេះ
ធ្មប់-អាប អ្វីនោះទេ។ ហើយដោយ មានការ យោគយល់ថាលោកស៊ុន យឿន ជានាយក សាលា
ប្រជាពលរដ្ឋ ក៏បានផ្តិត មេដៃឲ្យទៅ ។
នៅពេល ចោទសួរថា តើលោក អធិការ មានគោល បំណងប្តឹង តបចំពោះ លោក ស៊ុន យឿន ដែរទេ? ។
ចម្លើយ យ៉ាងខ្លី ពីលោក អធិការ គឺថា ប្រជាពលរដ្ឋ ដែលផ្តិតមេដៃ រាប់សិបនាក់ ក៏ជាជន
រងគ្រោះដែរ សំខាន់ តើការប្តឹង ចោទប្រកាន់ មកលើ រូបលោក អាចមាន ភស្តុតាង សម្រាប់ដាក់
បន្ទុកដែរ ឬទេ? ។ ដើម្បីកុំឲ្យ មានការអះអាង តែចំពោះ រូបលោក តែម្ខាង គឺសូមឲ្យ
អ្នកសារព័ត៌មាន ចុះទៅសួរនាំ ផ្ទាល់ជាមួយ លោកអភិបាល ស្រុក រួមទាំង មេភូមិ និងអនុភូមិ
ព្រមទាំង ប្រជាពលរដ្ឋទើបអាច ដឹងច្បាស់ ជាក់ស្តែង នៅព្រឹក ថ្ងៃទី១០នេះវេលាម៉ោង ប្រាំមួយព្រឹក
ខ្ញុំឮ ប្រជាពលរដ្ឋ ប្រាប់ខ្ញុំថា មានការ ផ្សព្វផ្សាយ តាមទូរទស្សន៍ CNCចោទប្រកាន់
មកលើរូបលោក រួចទៅហើយ ទើបរូបលោក មិនចង់ឃើញ ព័ត៌មាន ដែលបកស្រាយ ចេញពីភាគី ម្ខាងនោះឡើយ ។
ចំណែក លោកអភិបាល ស្រុកថ្ពង បានធ្វើការ បកស្រាយថា ចំពោះ លោកនាយក ស៊ុន យឿន គឺជាមនុស្ស
ដែលរាប់អាន ជាមួយគាត់ យូរណាស់ មកហើយ មិនតែប៉ុណ្ណោះ ប្រពន្ធគាត់ ក៏ជាប់សាច់ញាតិ ជាមួយរូបគាត់
ថែមទៀតផង ។ នៅពេល ដែលលោក ជួបជាមួយ លោកស៊ុន យឿន បានសួរ នាំថា ធ្លាប់បាន ខ្ចីលុយ
លោកអធិការ ១០០០០ ដុល្លាទេ គឺគាត់បាន ឆ្លើយតបថា បានខ្ចីមែន។ ប៉ុន្តែបាន សង១០០០
ដុល្លារហើយ ។ តាមពិតទៅ លោកមិន លំអៀង ទៅខាង ណានោះទេ គឺទំនាស់ រហូតដល់ការ ប្តឹងនេះ
វាផ្តើមចេញ ពីលោក អធិការ ទារប្រាក់ នៅសល់ ៩០០ដុល្លារវិញ តែប៉ុណ្ណោះ មិនមែនរឿង ប៉ងធ្វើឃាត
អ្វីនោះឡើយ ។ ព្រោះបើ អ្នកមានបំណង ធ្វើឃាត ចាំបាច់អី ទៅនិយាយ នៅហាងគុយទាវមុខហ្វូង
មហាជន បែបហ្នឹង! ។
ចំពោះការ អះអាង របស់ ប្រជាពលរដ្ឋ ពីរនាក់ ក៏បានឆ្លើយ បញ្ជាក់ថា រយៈកាល កន្លងមក សម្រាប់
រូបគាត់ គឺលោក អធិការ ពុំមែនជា មនុស្ស កោងកាច អ្វីនោះទេ គ្រាន់តែគាត់ ចូលចិត្ត និយាយលេង
ច្រើនប៉ុណ្ណោះ ។ បើតាមការ អះអាងឲ្យ ដឹងពី លោកអនុភូមិ បានបញ្ជាក់ យ៉ាងច្បាស់ថា កន្លងមក
ប្រពន្ធ លោកនាយក សាលា ធ្លាប់បាន មកសួរនាំ គាត់ថា ត្រូវធ្វើ យ៉ាងដូចម្តេច? បន្ទាប់ពី
លោកអធិការ គាត់ពោល ពាក្យថា អារឿងធ្មប់-អាប វាមិនដល់ ឈ្នះអាកា និងគ្រាប់បេ នោះទេ ។
ដោយប្រពន្ធ លោកនាយក សាលា ចង់បាន ស្នាមមេដៃ ពីប្រជាពលរដ្ឋ គាត់គាំទ្រ ទៅវិញ ។ ប៉ុន្តែអារឿ
ង ស្នាមមេដៃនេះ ត្រូវបានលោក អនុភូមិ បញ្ជាក់ថា បើគេយក ស្នាមមេដៃ ទៅប្រើខុសរឿង នោះបញ្ហា
វានឹងអាច កើតជារឿង ផ្សេងយកល្អ គ្រាន់តែ ដាក់ពាក្យប្តឹង ទុកទៅ បានហើយ ព្រោះលោក អធិការ
ក៏ពុំបានចោទ ប្រកាន់លើ ឈ្មោះណា នោះដែរ ។
រយៈពេល ពេញមួយថ្ងៃ បើផ្អែកលើ ពាក្យបណ្ដឹង លោកនាយក សាលាស៊ុន យឿន និងភរិយា ទាំង៧ចំណុច
វាហាក់បី ដូចជាបាន ស្តែងពី ដើមហេតុ ឃោរឃៅ ខ្លាំងណាស់ ចំពោះ សកម្មភាព លោក អធិការ ស្រុកថ្ពង
។ នៅពេល សួរនាំដល់ មូលដ្ឋាន ទើបដឹងថា លោកអធិការ ស្រុកថ្ពង ឬលោកនាយក អនុវិទ្យាល័យ អមលាំង
ភាគីណា ដែលជាជន រងគ្រោះ ពិតប្រាកដ ។ ដោយមើល ឃើញពី ចេតនាពិសពុល ដូចពាក្យ ស្លោកពោលថា
ធ្វើបុណ្យ បានទោស នេះហើយ ទើបប្រជាពលរដ្ឋ ដែលបាន ផ្តិតមេដៃ បដិសេធ លើពាក្យបណ្ដឹង របស់លោក
នាយកសាលា រហូតមាន ការចោទប្រកាន់ ពីលោកនាយក សាលា ថាមេប៉ុស្ត៍ នគរបាល រដ្ឋបាល ឃុំអមលាំង
ជាអ្នកទៅ គំរាមឲ្យប្រជាពលរដ្ឋ ធ្វើលិខិត បដិសេធន៍ ពាក្យបណ្ដឹង របស់លោក នាយកសាលា ឆ្កុយរបស់
គាត់ទៅវិញ ។ សមដូច ប្រសាសន៍ លោកអធិការ បញ្ជាក់ថា បើចង់ដឹង ការពិត គឺទាល់តែ ចុះទៅដល់
ប្រជាពលរដ្ឋ ផ្ទាល់ទើប អាចបញ្ជាក់ បានថា ជាព័ត៌មាន ពិតប្រាកដ ដែលមជ្ឈដ្ឋាន ទូទៅអាច
ទទួលយកបាន លោកអធិការស្រុកថ្ពងជាមនុស្យល្អទៀងត្រង់៕
