ខេត្តប៉ៃលិន ៖ បុរសម្នាក់ ត្រូវគេស្គាល់ថា ជាមន្ត្រីយោធា បានយកគ្រឿងចក្រទៅជីក កកាយដីភ្នំមួយកន្លែង ដើម្បីយកធ្វើជាកម្មសិទ្ធិផ្ទាល់ខ្លួន បណ្តាលឱ្យបាត់បង់នូវសោភ័ណភាព និងខូចទ្រង់ទ្រាយដើម ខណៈអ្នកសារព័ត៌មានចុះសួរនាំ ស្រាប់តែម្ចាស់គ្រឿងចក្របានអះអា ងថា មានការសុំអនុញ្ញាតច្បាប់ចេញពីអាជ្ញាធរមូលដ្ឋានតាំងពីថ្នាក់ក្រោមរហូតដល់ថ្នាក់លើអ ស់ហើយ ។ តែខាងអាជ្ញាធរស្រុកសាលាក្រៅ និងមន្ទីរបរិស្ថានខេត្ត បានបដិសេធដាច់ខាត ព្រ មទាំងបញ្ជាឱ្យកម្លាំងជំនាញ ចុះទៅដកកូនសោគ្រឿងចក្រនោះចេញមិនឱ្យបន្តសកម្មភាពទៀ តឡើយ ។
សកម្មភាពយកគ្រឿងចក្រទៅជីកកកាយដីភ្នំនោះ បានកើតឡើងកាលពីវេលាម៉ោង១ និង៣០នទីរសៀលថ្ងៃទី១៥ ខែសីហា ឆ្នាំ២០១៦ ស្ថិតនៅចំណុចដីថ្មី ខាងក្រោយកាស៊ីណូម្កុដ ពេជ្រ ក្បែរបន្ទាយយោធា ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រភពព័ត៌មានបានឱ្យដឹងថា មន្ត្រីយោធាម្នាក់ ប្រចាំការនៅព្រំដែនកម្ពុជាថៃ ក្បែរច្រក ទ្វារអន្តរជាតិព្រំ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ បានធ្វើសកម្មភាពយកគ្រឿងច ក្រទៅជីកកកាយដីភ្នំនៅចំណុចខាងលើ អស់រយៈពេលជាច្រើនថ្ងៃមកហើយ ដោយពេលនោះ មានខាងសារព័ត៌មានជាច្រើនបានចុះទៅថតរូបយកសកម្មភាពការឈូសឆាយនោះ ស្រាប់តែ ម្ចាស់គ្រឿងចក្របានអះអាងថា ខាងមន្ត្រីយោធានោះបានសុំច្បាប់អាជ្ញាធរមូលដ្ឋានគ្រប់លំដា ប់ថ្នាក់អស់ហើយ ទើបនាំគ្នាឈូសឆាយដីភ្នំនេះតែម្តង ។
ប្រភពបន្តទៀតថា ពេលនោះគេមិន ឃើញមានអាជ្ញាធរណាម្នាក់ចុះទៅធ្វើការហាមឃាត់នោះឡើយ ដោយបណ្តែតបណ្តោយឱ្យជី កកកាយស្ទើរអស់រលីងតែម្តង ។
ពាក់ព័ន្ធទៅនឹងបញ្ហានេះ លោក សំ សារ៉េត អភិបាលស្រុកសាលាក្រៅ បានឱ្យដឹងថា ខាងអាជ្ញាធរមិនបានចេញលិខិតអនុញ្ញាតឱ្យនរណាម្នាក់យកគ្រឿងចក្រទៅជីកកកាយដីភ្នំធ្វើ ជាកម្មសិទ្ធិផ្ទាល់ខ្លួន ឬធ្វើអ្វីផ្សេងនោះឡើយ ។ លោកបន្តទៀតថា បើសិនជាគេអះអាងដូចខា ងលើ នោះសូមឱ្យទទួលទោសតាមផ្លូវច្បាប់ ហើយខាងលោកនឹងចាត់ក្រុមការងារឱ្យចុះទៅ ត្រួតពិនិត្យ ដើម្បីធ្វើការហាមឃាត់ភ្លាមៗផងដែរ ។
ចំណែកលោក គឹម សុខា ប្រធានមន្ទីរបរិស្ថានខេត្តប៉ៃលិន បានឱ្យដឹងកាលពីព្រឹកថ្ងៃទី ១៥ ខែសីហានេះថា ខាងលោកបានចាត់ឱ្យក្រុមការងារចុះទៅដកហូតកូនសោគ្រឿងចក្រ នោះយកទៅទុកនៅកន្លែងហើយ ដោយមិនអនុញ្ញាតឱ្យបន្តសកម្មភាពរបស់ខ្លួនទៀតនោះឡើយ ៕
ដោយ ៖ នីយ៉ា
