ខេត្តបាត់ដំបង ៖ មន្ត្រីរាជការសាលាខេត្តបាត់ដំបង ដំណើរការដឹកនាំដោយ ឯកឧត្តម ចាន់ សុផល អភិបាលនៃគណៈអភិបាល ខេត្តបាត់ដំបងបានមូលមតិគ្នាចូលរួមដង្ហែអង្គកខិនទានមហាសាមគ្គីនៅវត្តពោធិ៍វាល នៅថ្ងៃទី ២៣ ខែវិច្ឆិកា ឆ្នាំ២០១៥ នេះ បន្ទាប់ពី ឯកឧត្តម អភិបាលខេត្តបាននាំសិស្សានុសិស្សចុះសំអាតបរិស្ថានក្រុងរួចមក។ នៅក្នុងអង្គកឋិនទាននេះ គឺមានមន្ត្រី សាលាខេត្ត សាលាក្រុងពុទ្ធបរិស័ទ យាយជី តាជី លោកតា លោកយាយ ប្រជាពលរដ្ឋយ៉ាងច្រើនកុះករស័ក្តិសមទៅនឹង ប្រទេសកម្ពុជាយើងបច្ចុប្បន្នកំពុងតែមានសុខសន្តិភាពល្អរបស់ប្រជាពុទ្ធបរិស័ទទទួលបានពេញលេញក្នុងសិទ្ធិមានជំនឿលើសាសានា ។
នៅក្នុងអង្គកឋិនទាននេះ ប្រមូលបច្ច័យសម្រាប់កសាងវត្តបន្តបានពីប្រជាពុទ្ធបរិស័ទដែលជាសប្បុរស និងបានចូលរួម ចំណែកពីមន្ត្រីរាជការសរុបថវិកាចំណួន ៧៣.៧៥.៧៩០០រៀល មិនគិតអំពីបច្ច័យសម្រាប់ប្រគេនព្រះសង្ឃដែលក្នុងមួយអង្គ ១០ម៉ឺនរៀលថែមទៀតទាំងនេះ គឺជាកត្តាមួយដែលបច្ចុប្បន្នពលរដ្ឋកម្ពុជាចេះស្រឡាញ់គ្នាសាមគ្គីគ្នាទាំងផ្នែកពុទ្ធចក្រ និងអាណាចក្រ ដើម្បីឆ្លើយតបទៅនឹងការដឹកនាំដ៏ត្រឹមត្រូវរបស់រាជរដ្ឋាភិបាលកម្ពុជា ក្នុងពេលបច្ចុប្បន្ន ។/ ដោយ ៖ សារ៉េត
