បាត់ដំបង ៖ ពិធីសម្ពោធបើកដំណើរការជាផ្លូវការផ្សារទំនើបភួ ពុយ នាថ្ងៃទី២០ ខែវិច្ឆិកា ឆ្នាំ២០១៥នេះ ត្រូវបានអញ្ជើញចូលរួមពីសំណាក់ ឯកឧត្តម ហ៊ុន ម៉ាណែត ក្នុងនោះក៏មានអាជ្ញាធរខេត្តបាត់ដំបង ព្រមទាំងសិស្ស និស្សិត ប្រជាពលរដ្ឋ អាជីវករ យ៉ាងច្រើនកុះករ។
ឯកឧត្តម ក៏បានកោតសរសើរចំពោះលោកឧកញ៉ា ភួ ពុយ ដែលបានចូលរួមអភិវឌ្ឍន៍ធ្វើឱ្យប្រជាពលរដ្ឋ ឬ អាជីវករ កាន់តែមានកម្រិតជីវភាពធូរស្រាលតាមរយៈផ្សារទំនើបរបស់លោកឧកញ៉ា ទាញយកសមិទ្ធផល ឬ បន្លែផ្លែឈើរបស់ពួក គាត់ចូលមកក្នុងទីផ្សារមួយនេះ ដើម្បីចែកចាយបន្តទៅតាមបណ្តាខេត្តផ្សេងៗទៅតាមតម្រូវការ ស្របពេលដែលប្រមុខរាជ រដ្ឋាភិបាលកំពុងតែយកចិត្តទុកដាក់ខ្ពស់ ចំពោះសេដ្ឋកិច្ចក្នុងពេលបច្ចុប្បន្នឆ្ពោះទៅរកការកាត់បន្ថយភាព ក្រីក្រយ៉ាងពិតប្រាកដទាំងនេះ ក៏ត្រូវតែមានការចូលរួមពីបណ្តាក្រុមហ៊ុន ឬ អ្នកវិនិយោគផងដែរ។
ឯកឧត្តម បន្តថា យើងជាខ្មែរតែមួយគួរកៀកស្មាគ្នាដើម្បីអភិវឌ្ឍន៍ប្រទេសកម្ពុជាយើង អោយឆ្ពោះទៅរកភាពរីកចម្រើន ព្រោះបច្ចុប្បន្នសុខសន្តិភាពយើងមានរួចហើយ សេរីភាពយើងមានហើយនេះជាការខិតខំប្រឹងប្រែងរបស់រាជរដ្ឋាភិបាល លោកបន្តថា ចំពោះខេត្តបាត់ដំបងមានសក្តានុពលផ្នែកសេដ្ឋកិច្ចគួរសមជាពិសេសដំណាំ ស្រូវព្រមទាំងសមិទ្ធផលផ្សេងៗទៀត ដូច្នេះលោកសង្ឃឹមថា តាមរយៈផ្សារទំនើបមួយនេះ ពិតជាបានលទ្ធផលល្អនៅថ្ងៃខាងមុខសម្រាប់ប្រជាពលរដ្ឋក្នុង ខេត្តបាត់ដំបងងាយស្រូលនាំសមិទ្ធផលរបស់ពួកគាត់ចូលក្នុងទីផ្សារយ៉ាង ពិតប្រាកដ។
ក្នុងនោះឯកឧត្តម ហ៊ុន ម៉ាណែត បានផ្តាំផ្ញើដល់បងប្អូនអាជីវករ ត្រូវតែខិតខំប្រឹងប្រែងយកចិត្តទុកដាក់ ចំពោះការ ដាំដុះបន្លែផ្លែឈើ ផ្សេងៗព្រោះទីផ្សារបច្ចុប្បន្នរីកដុះដាលគ្រប់ទីកន្លែងធ្វើឱ្យសម ល្មមនឹងបងប្អូនលក់ដូរបានជៀសវាង កុំផ្សងព្រេងធ្វើសំណាកស្រុក ។/ ដោយ ៖ សារ៉េត
