មណ្ឌលគិរី ៖ នៅព្រឹកថ្ងៃទី២០ វិច្ឆិកា ២០១៥ លោកឧត្តសេនីយ៏ត្រី ឃិន ម៉េងស្រេង មេបញ្ជាការតំបន់ប្រតិបត្តិការសឹករងមណ្ឌលគិរីបានដឹកនាំសិក្ខាកាមដែលជានាយ-នាយទាហានរង នឹងពលទាហាន សរុប១៣០នាក់ អនុវត្តនូវយុទ្ឋដំណើរទ័ពប្រចាំឆ្នាំ២០១៥ ក្នុងវគ្គហ្វឹកហ្វឺនពង្រឹងរបៀបរៀបរយ នៅអង្គភាពវរៈអន្តរាគមន៏លេខ១ ខេត្តមណ្ឌលគិរី រយៈពេល៤៥ថ្ងៃ ។
ក្នុងឧកាសនេះ លោកឧត្តមសេនីយ៏ត្រី ឃិន ម៉េងស្រេង បានមានប្រសាសន៏ថា ដោយគោរពតាមបទបញ្ជារបស់អគ្គមេបញ្ជាការរងកងទ័ពជើងគោក នឹងមេបញ្ជាការយោធភូមិភាគ១ នឹងយោងតាមផែនការលេខ០១៨/០១៥ផក ចុះថ្ងៃទី៨ ខែធ្នូ ឆ្នាំ២០១៤ របស់អនុគណៈកម្មការដឹកនាំការងារបណ្តុះបណ្តាលនឹងហ្វឹកហ្វឺនកងយោធពលខេមរភូមិន្ទស្តីពី ការហ្វឹកហ្វឺនកងយោធពលខេមរភូមិន្ទឆ្នាំ២០១៥ ទើបលោកបានអនុញ្ញាតឲ្យបើកវគ្គសិក្សានៅវរៈអន្តរាគមន៏លេខ១ ដល់ នាយ-នាយទាហានរង នឹងពលទាហាន ចំនួន១៣០នាក់ ក្នុងនោះមានស្រី៣នាក់។
លោក បានបន្តទៀតថា ក្នុងវគ្គបណ្តុះបណ្តាលនេះគឺដើម្បីឲ្យនាយ-នាយទាហានរង នឹងពលទាហានទាំងអស់ ដែលជាកម្មសិក្សាការីចុះអនុវត្តន៏ នៅមេរៀននៅលើភូមសាស្ត្រ មួយចំនួនដែលបានសិក្សា ដកពិសោធន៏ការងារប្រយុទ្ឋ ក្តាប់ភូមិសាស្ត្រ ក្នុងពេលធ្វើសកម្មភាពយុទ្ឋដំណើរ នឹងចល័តទ័ពឲ្យទាន់ពេលវេលា ក្នុងលក្ខណៈត្រៀមប្រយុទ្ឋនឹងប្រយុទ្ឋឲ្យមានប្រសិទ្ឋភាពខ្ពស់ នឹងឆ្លងកាត់ឧបសគ្គជាច្រើនផងដែរ។
ក្បួនយុទ្ឋដំណើរទ័ពបានចេញដំណើរពីវរៈលេខ១ នៅម៉ោង៦ព្រឹកថ្ងៃទី២០ នឹងដល់គោលដៅឈប់សម្រាករយៈពេលយូរ នៅវរៈសេនាតូចលេខ១០៣ ដែលមានចម្ងាយសរុប២០គីឡូម៉ែត្រ នឹងវិលត្រលប់មកអង្គភាពវរៈលេខ១វិញនៅម៉ោង១រសៀល នឹងបញ្ចប់ក្បួនយុទ្ឋ ដំណើរនៅវេលាម៉ោង៥ល្ងាចថ្ងៃដដែល ៕ ដោយ÷ ចិន្ដា កម្ពុជាអភិវឌ្ឍន៍
