ខេត្តមណ្ឌលគិរី ៖ រថយន្តពីរគ្រឿង រួមទាំងវត្ថុតាង រួមមានឈើប្រណីតប្រភេទឈើនាងនួន មានចំនួន៥១ កំណាត់ និងឈើធ្នុង ចំនួន ៣៤ កំណាត់ ត្រូវបានកំលាំងវរៈសេនាតូច លេខ ៣០៣ សហកាជាមួយកំលាំងប៉ុស្តិ៍ ឃុំ ប៉ូស្រា និងកំលាំងកងអនុសេនាតូចទីពីរ បាន ឃាត់រថយន្ត រួមនឹង ឈើប្រណីត បាន នៅវេលាម៉ោង ០២ និង ០០ នាទី រំលងអាធ្រាតឈាន ចូលថ្ងៃទី១៨ ខែវិច្ឆកា ឆ្នាំ២០១៥ នៅចំណុចពាមអូតាំកន ជា ផ្លូវឆ្ពុះទៅតាមច្រកព្រំដែន កាត់តាមប៉ុស្តិ៍ ៧ ។
រថយន្តដឹកឈើខុសច្បាប់ មាន ទី១ ម៉ាកហាយលែនដ័រ ព័ណស គ្មានស្លាកលេខ រថយន្តទី២ ម៉ាក កាមមារី ស្វិតព័ណខ្មៅ គ្មានស្លាកលេខ ដែលមានម្ចាស់រថយន្ត ឈ្មោះ យន់ យុទ្ធា ភេទប្រុស អាយុ២៩ ឆ្នាំ អ្នកបើកបរឈ្មោះ ហួន ឈាង ភេទប្រុស អាយុ១៩ឆ្នាំ មានប្រ៊ូឡាន ឈ្មោះនាស់ ប៉ុនណា ភេទប្រុស អាយុ២៩ឆ្នាំ ។ ក្រោយពីធ្វើកំណត់ហេតុរួច មនុស្សរួមនឹងវត្ថុតាង ត្រូវបានកងកំលាំងបញ្ជូនមក មន្ទីរបរិស្ថានខេត្ត ដើម្បីចាត់តាមវិធានការតាម ផ្លូវច្បាប់ ៕
ដោយ÷ ចិន្ដា កម្ពុជាអភិវឌ្ឍន៍
