ខេត្តរតនគិរី ៖ កន្លែងស្តុកឈើធំៗចំនួន៣ គឺមានទីតាំងស្ថិតនៅភូមិកាឡៃ៣ ឃុំកាឡៃ ស្រុកអូរជុំ ខេត្តរតនគិរីគឺពុំមានសមត្ថកិច្ចពាក់ព័ន្ធណាធ្វើការបង្ក្រាបនោះទេ។ ដែលមហាជនទូរទៅសង្ស័យថា ប្រហែលជាទទួលបានលាភសក្ការៈរបស់ឈ្មួញទាំងនោះហើយ។
បើតាមសម្តីប្រជាពលរដ្ឋបានប្រាប់អ្នកយកពត៌មានយើងឲ្យដឹងថា កន្លែងស្តុកឈើទាំង៣នេះគឺជារបស់មានឈ្មោះ ណាក់ ឈ្មោះណូ គឺត្រូវបានគេដឹងថាជាមេកាលោកឧកញ៉ាឫទ្ធិសី និងឈ្មោះ ចែពៅ និងឈ្មោះម៉ាប់។
ឈ្មោះទាំងនោះបានប្រមូលទិញឈើពីរថយន្ត និងម៉ូតូគ្រប់ប្រភេទ ហើយបន្ទាប់មកគឺមានរថយន្តសាំយ៉ុង និងរថយន្តទំនើបៗដឹកឈើយកទៅលក់បន្តតាមច្រកទ្វារព្រំដែនអូរយ៉ាដាវយ៉ាងរលូន គឺឆ្លងកាត់សមត្ថកិច្ចតាមដងផ្លូវជាច្រើនស្ថាប័ន គឺពុំមានសមត្ថកិច្ចពាក់ព័ន្ធយកភ្នែកមើលនោះទេ។
ប្រជាពលរដ្ឋគ្រប់មជ្ឈដ្ឋានមានការងើងឆ្ងល់ថា តើអ្នករកស៊ីឈើទាំងនោះបង់លុយឲ្យប៉ូលិសសេដ្ឋកិច្ច មេព្រៃ និងសមត្ថកិច្ចដ៏ទៃទៀតក្នុងមួយខែៗចំនួនប៉ុន្មាន បានជាគ្មានការបង្ក្រាប។ នៅពេលដែលអ្នកសារពត៌មានបានចុះទៅដល់ទីតាំងស្តុកឈើនោះដើម្បីសួរនាំស្រាប់តែឈ្មួញទាំងនោះបានទូរស័ព្ទទៅឈ្មោះ ម៉ៅ ដែលមានតួនាទីជាប៉ូលិសេដ្ឋកិច្ចខេត្ត និងបក្សពួក៣-៤នាក់ទៀតកាងឈើឈ្មួញទាំងនោះ និងប្រើពាក្យសម្តី និងកាយវិការមិនសមរ្យមកលើអ្នកសារពត៌មានយើង ធ្វើឲ្យអ្នកសារពត៌មាន មានការភិតភ័យជាខ្លាំង។ ចំពោះទង្វើបុគ្គលរូបនោះធ្វើឲ្យមានការិៈគន់ពីប្រជាពលរដ្ឋ ហេតុដូចនេះសូមលោកប្រធានអង្គភាពក៏ដូចជាក្រសួងពាក់ព័ន្ធ សូមជួយមើលបុគ្គលរូបនោះផង ព្រោះឈ្មោះម៉ៅនេះមានអត្តចរិកក្រអឺតក្រទមខ្លាំណាស់៕
ដោយណាត ពៅ
