បាត់ដំបង ៖ ផ្លូវកៅស៊ូជុំវិញនៅរង្វង់មូលយាយទេព រថយន្តបើកបរទ្រុឌទ្រោម ត្រូវបានលោក ច័ន្ទ សុផល អភិបាលខេត្តបាត់ដំបងដឹកនាំមន្ត្រីជំនាញ និងមន្ត្រីក្រោមឱវាទ ចុះពិនិត្យ ប្តូរចាក់បេតុងវិញ កាលពីម៉ោង៩និង៣០នាទីព្រឹក ថ្ងៃទី២៨ ខែតុលា ឆ្នាំ២០១៥ លើកំណាត់់ផ្លូវជាតិលេខ ៥ ក្នុងភូមិអញ្ចាញ សង្កាត់អូរចារ ក្រុងបាត់ដំបង ។
លោក ច័ន្ទ សុផល អភិបាលខេត្ត បានមានប្រសាសន៍ថារង្វង់មូលយាយទេព កសាងដោយសម្តេចក្រឡាហោម ស ខេង ឧបនាយករដ្ឋមន្ត្រីក្រសួងមហាផ្ទៃ និងជំទាវ ញ៉ែម សាខន កាលពីថ្ងៃ០៤ ខែមេសា ឆ្នាំ២០១៥ កន្លងមក ។ ការកាយផ្លូវកៅស៊ូចាស់ចេញប្រវែង១១ម៉ែត្រ ជុំវិញរង្វង់មូលយាយទេព ដោយសារផ្លូវកៅស៊ូនេះវាថ្មី ដីជ្រាយ រថយន្តបើកបរកាត់ងាយុខូចប៉ោង ហើម បាក់ស្រុត ក្រហ៊ីងក្រហូងនិងប៉ះទង្គិច បណ្តាលអោយខូចគេមឃឿនរង្វង់មូល ដូច្នេះទើបខាងមន្ទីរសាធារណការណ៍ស្នើចាក់បេតុងជំនួសវិញ ដើម្បីការពារវាជាប់បានយូរ និងសម្រាប់ការបើកបរដោយសុវត្ថិភាព ៕
ដោយ សោមឌី
