បាត់ដំបង៖ ពិធីបុណ្យអ៊ុំទូក បណ្តែតប្រទីបប្រពៃណីជាតិ ក្នុងឱកាសអបអរសាទរ ថ្ងៃបុណ្យចេញព្រះវស្សាលើកទី១៥មានចំនួន២៤គូដើម្បីរំលឹកគុណដល់វរៈកងទ័ពជើងទឹកជំនាន់មុននិងតាំងពិពណ៌លក់ទំនិញកម្ពុជា-ថៃគ្រប់ប្រភេទ នារសៀល ថ្ងៃទី២៦-២៧ ខែតុលា ឆ្នាំ២០១៥នៅដងស្ទឹងសង្កែ ក្រុងបាត់ដំបង។
ក្នុងពិធីនេះលោក អ៊ុក វង្ស ប្រធាន ក្រុមប្រឹក្សាខេត្ត លោក ច័ន្ទ សុផល អភិបាលខេត្តបាត់ដំបង អញ្ជើញជាគណៈអធិបតីនិងមានការអញ្ជើញ ចូលរួមពីសំណាក់ គណប្រតិភូ ខេត្តត្រាត ខេត្តច័ន្ទបុរី ព្រះរាជាណាចក្រថៃឡងដ៍ និងអគ្គកុងស៊ុលវៀតណាមប្រចាំ ខេត្តបាត់ដំបង និងប្រតិភូខេត្តកំពង់ឆ្នាំង ខេត្តប៉ៃលិន ថ្នាក់ដឹកនាំមន្ត្រីរាជការ កងកម្លាំងប្រដាប់ អាវុធ គ្រប់ប្រភេទ ជុំវិញខេត្ត កីឡាក កីឡាកានី ទូកទាំង៣ខេត្ត សរុបប្រមាណ៨០៧ នាក់ មានទូក ចំនួន២៤ទូក ភ្ញៀវជាតិនិងអន្តរជាតិ អាជីវករ សប្បុរស់ជន ប្រជាពលរដ្ឋ ចូលរួមរាប់ម៉ឺននាក់។
លោក សុខ គង់ អភិបាលរងខេត្ត និងជាប្រធានគណៈកម្មាធិការរៀបចំ អ៊ុំទូកខេត្ត បានអោយដងថា ខេត្តបាត់ដំបង បានរៀបចំពិធីបុណ្យអ៊ុំទូក ថ្នាក់ខេត្តនេះបានធ្វើឡើង ចាប់តាំងពីឆ្នាំ២០០០មក ដោយសារតែ ក្នុងខេត្តបាត់ដំបងបានជួប គ្រោះទឹកជំនន់២ ឆ្នាំជាប់ៗគ្នា ក្នុងឆ្នាំ២០១២ និង២០១៣កន្លងទៅពីធីនេះត្រូវបានផ្អាក។
លុះឆ្នាំ២០១៥នេះ គណៈកម្មាធិការជាតិរៀបចំ បុណ្យជាតិ និងអន្តរជាតិ ជាពិសេសសម្តេចតេជោនាយករដ្ឋមន្ត្រី ហ៊ុន សែន បានអនុញាតឱ្យ ធ្វើពិធីបុណ្យអ៊ុំទូកថ្នាក់ខេត្ត និងថ្នាក់ជាតិនេះឡើងវិញ ដើម្បីអបអរសាទររំលឹកខួប ដល់វីរៈកងទ័ពជើងទឹក ដ៏អង់អាចខ្លាហាន ដែលបានប្រយុទ្ធយកជ័យជំនះ លើខ្មាំងសត្រូវនាសម័យមុន ដែលមានស្នាដៃជាប្រវត្តិសាស្ត្រ របស់បុព្វបុរសខ្មែរ ។
លោក សុខ គង់ បានបញ្ជាក់ថា ទូកដែលរដ្ឋបាលខេត្ត បានរៀបចំប្រកួតនាឆ្នាំនេះ គឺមាន២៤ទូក កីឡាករ កីឡាការនី ចំនួន៨០៧នាក់ ក្នុងនោះ កីឡាករបម្រុងមានចំនួន២១៦នាក់ និងមានកីឡាការិនីចំនួន១២០នាក់ បម្រុង៣២នាក់ ហើយរយៈពេល២ថ្ងៃគឺថ្ងៃទី២៦និង២៧ខែតុលាឆ្នាំ២០១៥ ដើម្បីអបអរសាទេ ថ្ងៃបុណ្យចេញ ព្រះវស្សា គឺថ្ងៃ១៤-១៥កើតពេញបរមី ខែអស្សុជ ដើម្បីភ្ជាប់ទៅ និងប្រពៃណី របស់បងប្អូនខ្មែរយើង នៅខេត្តបាត់ដំបង ដែលតែងតែធ្វើជារៀងរាល់ឆ្នាំរហូតមក។
លោក ច័ន្ទ សុផល អភិបាលខេត្ត បានមានប្រសាសន៍ថាពិធីនេះឡើងនាពេលនេះ ដើម្បីអបអរសាទរបុណ្យអ៊ុំ ទូកថ្នាក់ខេត្ត នេះឡើងដើម្បីជ្រើសរើសចំណាត់ថ្នាក់ល្អ យកទៅប្រកួតនៅ រាជធានីភ្នំពេញ នាថ្ងៃទី២៤ដល់ថ្ងៃ២៧ខែវិច្ឆិកាឆ្នាំ២០១៥ពេលខាងមុខនេះ ។បន្ទាប់ពីការប្រកួត អ៊ុំទូក ពេលថ្ងៃ នៅពេលយប់ក៏មានបាញ់កាំជ្រួច បង្ហោះគោម និងបណ្តែតប្រទីប កំដរ ជូនប្រជាពលរដ្ឋទិញទំនិញ យកទៅប្រើប្រាស់ ផងដែរដើម្បីញាំងអោយពិធីនេះកាន់តែមានភាពអធឹកអធម ថែមទៀត។
ដោយឡែក តាំងពីថ្ងៃ២២ ខែតុលា ឆ្នាំ២០១៥ កន្លងមក កម្លាំងសមត្ថកិច្ចគ្រប់ប្រភេទបានខិតខំការពារសុវត្ថិភាពប្រជាពលរដ្ឋទាំងថ្ងៃយប់ដោយមិនគិពីការនឿយហត់ឡើយ ៕
