ខេត្តប៉ៃលិន ៖ គំនរសំរាមជាច្រើនកន្លែង គរធំក្លិនស្អុយ ធ្វើឲ្យមានជះក្លិនដល់ប្រជាពលរដ្ឋដែលរស់នៅជិតនោះ និងដល់អ្នកធ្វើដំណើរឆ្លង កាត់ចេញចូល ពីរផ្ទះទៅទីផ្សារ ពីរទីផ្សារមកផ្ទះ ។
ទីចាក់ សំរាមនោះស្ថិតនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ចំងាយពីផ្លូវជាតិលេខ ៥៧ ប្រមាណ ១៥០ ម៉ែត្រ នៅចិញ្ចើម ផ្លូវលំដីក្រហម ១ ខ្សែ ។
ប្រជាពលរដ្ឋជាច្រើនគ្រួសារដែលមកពីរតំបន់សំបុកចាប ដែលបានធ្វើដំណើរឆ្លងកាត់កន្លែងគំនរសំរាម ទៅទទួលយកដីសង់លំនៅដ្ឋានថ្មី ដែលអាជ្ញាធរ អភិវឌ្ឍន្ន៍ការផ្លាស់ប្តូរ និង ប្រជាពលរដ្ឋ ដែលមានលំដ្ឋានក្បែរនោះ បាននាំគ្នារិះគន់ទៅលើអាជ្ញាធរ និងជំនាញមន្ទីរបរិស្ថានខេត្តប៉ៃលិនមិនចុះមកបើកភ្នែកមើលកន្លែងអនាធិបតេយ្យដែលយកសំរាមមកចាក់គរចោលជាច្រើនកន្លែងធ្វើឲ្យស្អុយក្លិន ពេលខ្សល់ ម្ដងៗ ពិបាកដកដង្ហើមណាស់ ពេលមានខ្សល់ ឫភ្លៀងធ្លាក់ ជះក្លិនយ៉ាងស្អុយអាសោចន៍ ដែលពួកគាត់បារម្ភពីផលប៉ះពាល់មិនល្អដល់សុខភាពពួកគាត់ ។
ពួកគាត់បានបន្តទៀតថា កន្លែងគំនរចាក់ចោលជាយូរខែឆ្នាំមក ហើយ សព្វថ្ងៃនេះ មានអាជីវករនិងអ្នកលក់ ហើយសណ្ឋាគារមួយចំនួនបើកម៉ូតូនិងរថយន្នយកមកចាក់បន្ថែមទៀត ។
ឃុំ-ស្រុកខេត្តប៉ៃលិន គឺជាខេត្តមួយដែលកំពុងអភិវឌ្ឍន៍ ធ្វើឲ្យមហាជន និងភ្ញៀវទេសចរជាតិ និងអន្តរជាតិ ចាប់អារម្មណ៍ នឹងមកកំសាន្តកាន់តែច្រើនឡើងឡើង ដែលករណីនេះ ធ្វើឲ្យប៉ះពាល់ដល់សុខភាពប្រជាពលរដ្ឋផង ហើយក៏ដូចជាបំផ្លាញមុខមាត់រាជរដ្ឋាភិបាលផងដែរ ។
សព្វថ្ងៃនេះ គេបានធ្វើការកត់សំម្គាល់ជារៀងរាល់ថ្ងៃ រហួតឃើញការរីកចម្រើន មើលឃើញ ក្នុងសកម្មភាពការអភិវឌ្ឍន៍ មានផ្លូវ ស្ពាន ផ្ទះសំណាក់ តាមព្រំដែននៅជាប់កម្ពុជា ថៃ ដោយមានការទំនាក់ទំនងល្អ ។ ក្រោយពីរការអភិវឌ្ឍន៍ រីក ម្រើននេះ ក៏មានសកម្មភាពមួយចំនួន ដែលធ្វើឲ្យការប៉ះពាល់ដល់បរិស្ថាន ក៏ធ្វើឲ្យប៉ះដល់សុខភាពដល់បងប្អូនប្រជាពលរដ្ឋ ដែលកំពុងធ្វើដំណើរឆ្លងកាត់ទៅមក និងភ្ញៀវទេសចរជាហូរហែរ ។ ថ្វីត្បិតតែសព្វថ្ងៃ មានក្រុមហុ៑នមក ប្រមូលកាកសំណល់ សំរាមចេញក៏ដោយ ក៏មិនបានអនុវត្តតាមលក្ខណៈបច្ទេកទេសទេ ហើយក៏មិនយកភ្នែកមើលថែមទៀត ។
ឆ្លើយតបនឹងអ្នកសារព័ត៌មាន លោកមេភូមិផ្សារព្រំបានឲ្យដឹងថា លោកបានដឹងហើយអំពីបញ្ហា គំនរសំរាម ដែលអាជីវករ និងសណ្ឋាគារ អ្នកលក់និងប្រជាពលរដ្ឋតាមផ្ទះយកមកចាក់គរចោលនៅទីនោះ ។ ហើយលោកបានហាមប្រាម ប្រាប់ជាច្រើនដងហើយ ព្រមទាំងដាក់សញ្ញាហាមមិនឲ្យចាក់សំរាមនៅទីនេះ តែបានតែពីរ បីថ្ងៃ ស្រាប់តែជនអនាមិក លួចដឹកតាមម៉ូតូ រថយន្តសំរាមមកចាក់ចោលក្នុងពេលយប់ដដែល ។ ហើយពាក់ព័ន្ធករណីនេះ លោកកំពុងតាមដានស្រាវជ្រាវ និងឲ្យក្រុមហ៊ុនមកយក ។
ប្រជាពលសំណូមពរដល់អាជ្ញាធរ ឃុំ ស្រុក ជំនាញមន្ទីរបរិស្ថាប ខេត្តប៉ៃលិន សូមឲ្យ បរិស្ថាន និងមន្ត្រីជំនាញចុះទៅមើលគំនរសំរាម ដែលដាក់តាំងពិពណ៌តាមដងផ្លូវលំក្រោយអគ្គីសនី ភូមិផ្សារព្រំ ព្រោះសព្វថ្ងៃផង ពីព្រោះលោក ឃុន វណ្ណៈ ជាអ្នកម៉ៅការ ប្រមូលសំរាម ក្រុមហ៊ុននេះមានរថយន្តតែមួយ ដឹកមិនទាន់ទេ ៕
ស សារឿន
