ខេត្តបន្ទាយមានជ័យ ៖ លោក លី បូរិន ប្រធាននាយកដ្ឋានផ្លូវដែកបានប្រាប់ថា ផ្លូវដែលកំពុងកសាងពីក្រុងសិរីសោភ័ណដល់ក្រុងប៉ោយប៉ែតគឺគ្រោងកសាងឲ្យហើយនៅខែឧសភា ឆ្នាំ២០១៦ខាងមុខនេះ ដើម្បីតភ្ជាប់ទៅកាន់ផ្លូវដែកថៃ ។
លោកបានបន្តថា ចំពោះផលប៉ះពាល់ដូចជាកាស៊ីណូជាប់ព្រំដែនគឺខាងក្រុមហ៊ុនសម្រេចរុះរើចេញដោយខ្លួនឯង ។ ចំណែកប្រជាពលរដ្ឋដែលរស់នៅលើផ្លូវដែកនោះគឺត្រូវបានដោះស្រាយរួចហើយ ប៉ុន្តែអ្នកដែលតវ៉ាកន្លងមកគឺជាអ្នកដែលរស់នៅលើដីចំណីផ្លូវ ហើយតវ៉ាសុំធ្វើប័ណ្ណកម្មសិទ្ធិ ផ្លូវរថភ្លើងដែលតភ្ជាប់ពីខេត្តបន្ទាយមានជ័យទៅក្រុងភ្នំពេញគ្រោងនឹងជួសជុលជាបណ្តើរៗនៅឆ្នាំ២០១៧ ដែលការជួសជុលនេះគឺជាថវិកាជាតិទាំងស្រុង ហើយរាជរដ្ឋាភិបាលក៏កំពុងរកដៃគូរដើម្បីកសាងផ្លូវដែកឲ្យបានល្អ និងតាមស្តង់ដារសម្រាប់បម្រើប្រជាពលរដ្ឋឲ្យទាន់ប្រទេសយើងសមាហរណកម្មអាស៊ានផងដែរ ៕
