បាត់ដំបង ៖ រថយន្តដឹកអ្នកដំណើរក្រុមហ៊ុនមេគង្គអ៊ិចប្រេសបុករថយន្តដឹកខ្សាច់ពីក្រោយស្លាប់០២នាក់និងរបួសធ្ងន់៣នាក់កាលពីវេលាម៉ោង០៥និង១០នាទីព្រឹកថ្ងៃទី១៩តុលានេះនៅចំនុចភូមិនិងឃុំជ្រោយស្តៅស្រុកថ្មគោលខេត្តបាត់ដំបង។
សាក្សីបានប្រាប់សមត្ថកិច្ចថា មុនពេលកើតហេតុរថយន្តធំដឹកខ្សាច់បើកបរពីត្បូងទៅជើង(ពីបាត់ដំបងទៅខេត្តបន្ទាយមានជ័យ)ពេលនោះរថយន្តដឹកខ្សាច់បានបើកភ្លើងសញ្ញូស្តាំរួចឈប់ចតភ្លាមនោះស្រាប់តែរថយន្តប្រភេទតួរីសបើកបរពីក្រោយ មកបុកភ្លាមឮសូរដូចរន្ទះបាញ់់ហើយអ្នកភូមិនាំគ្នាទៅមើលមិនដឹងថានរណាជាំតៃកុងឡានអ្នកណាជាភ្ញៀវទេគឺទំនាក់ទំនងទៅសមត្ថកិច្ចអន្តរាគមន៍តែម្តង។
ប្រភពពីមន្ត្រីនគរបាលចរាចរណ៏ខេត្តបានឱ្យដឹងថា ជនរងគ្រោះស្លាប់ទី១ឈ្មោះហ៊ុនម៉ាណេ.ភេទស្រីអាយុ២៥ឆ្នាំរស់នៅព្រៃវែង ។ ទី២ឈ្មោះហូយផេង.ប្រុស.អាយុ៥៧ឆ្នាំស្លាប់។ រីឯនាក់រងរបួសចំនួន ៣ នាក់.ទី១ឈ្មោះ ម៉ៅ លិន .ស្រី អាយុ១២ឆ្នាំ នៅភ្នំពេញ.ទី២ ឈ្មោះ ហ៊ុន លី ប្រុស អាយុ៥៣ ឆ្នាំ នៅភ្នំពេញ ទី៣ ឈ្មោះ សៅ សុភក្រ័ ប្រុស អាយុ៣៣ឆ្នាំ នៅភ្នំពេញត្រូវដឹកទៅសង្គ្រោះនៅមន្ទីរពេទ្យបង្អែក ស្រុកថ្មគោលខេត្តបាត់ដំបង ។ ចំណែកតៃកុងរថយន្តដឹកអ្នកដំណើរគេចខ្លួនមួយចំនួនទៀតបាត់ ។ រថយន្តបង្កក្រុមហ៊ុនមេគង្គអ៊ិចប្រេសពាក់ស្លាកលេខភ្នំពេញ 2Z1318
រថយន្តដកខ្សាច់ម៉ាកហីយ៉ាន់ដាយពាក់ស្លាកលេខកំពង់ធំ3A1142 ។
ប្រភពពីមន្ត្រីនគរបាលចរាចរណ៏ខេត្តបានសន្និដ្ឋានថា ពេលចុះពិនិត្យកន្លែងកើតហេតុ មិនឃើញមានស្នាមហ្វ្រាំងបើអ្នកបើកបររថយន្តបង្កក្រុមហ៊ុនមេគង្គអ៊ិចប្រេសមានការប្រុងប្រយ័ត្នពេលបើកបរទោះមានអ្វីមកពីមុខឬអ្នកបើកស្របទិសគ្នាឈប់ ទោះគាត់បើកលឿនយ៉ាងណា ក៏អាចចាប់ហ្វ្រាំងបានដែរ ប៉ុន្តែសង្ស័យអ្នកបើកបររថយន្តក្រុមហ៊ុនមេគង្គអ៊ិចប្រេសងងុយដេក។
ចំណែកឯរថយន្តទាំងសងខាងត្រូវយកមករក្សាទុកនៅអធិការស្រុកថ្មគោលរងចាំដោះស្រាយពេលក្រោយតាមច្បាប់៕
