បាត់ដំបង៖ ពលករឆ្លងដែនខុសច្បាប់ទៅប្រទេសថៃតាមច្រករបៀងខុស ច្បាប់ រាល់ថ្ងៃ នៅខែតុលា ឆ្នាំ២០១៥ បន្ទាប់ពីភ្ជុំបិណ្ឌរួច តាមច្រករបៀងប៉ុស្តិ៍ អូរល្វា ក្នុងភូមិអូរល្វា ឃុំជ្រៃសីមាស្រុកសំពៅលូន ខេត្តបាត់ដំបង លោក ស្រី សុខុន នាយនគរបាលវរៈការពារព្រំដែនគោក ៨១៧ និងមន្ត្រីយោធាសឹករងស្រុកសំពៅលូន ឃុបឃិតគ្នាយកប្រាក់ធ្វើមើលមិនឃើញ ។
ប្រភពមន្ត្រីសមត្ថកិច្ចស្រុកសំពៅលូនបានអោយដឹងថាស្រីសុខុននាយនគរបាលវរៈការពារព្រំដែនគោក៨១៧ និងកម្លាំងយោធា សឹករងស្រុកសំពៅលូនបានបើកភ្លើងខៀវ ឲ្យឈ្មួញដឹកជញ្ជូនពលករធ្វើចំណាក់ស្រុកឆ្លងដែនខុសច្បាប់តាមអូរព្រំដែន ដោយថ្នូរនិងប្រាក់មួយចំនួន ចូលហោប៉ៅមិនគិតតួរនាទីនិងភារកិច្ចប្រចាំនៅទីនោះ ។
ប្រភពពីពលករបានឲ្យដឹងថា ពួកគាត់ត្រូវបានមេខ្យល់មិនស្គាល់(ឈ្មោះ)នាំចួលទៅរកការងារធ្វើនៅតាមខេត្តមួយចំនួនក្នុងប្រទេសថៃ ដោយបង់ប្រាក់ក្នុងមួយនាក់(២៥០០បាទថៃ) ចំណែកការបង់ឲ្យសមត្ថកិច្ចដែលយាមនៅព្រំដែននោះវិញគឺលើមេខ្យល់ជាអ្នកបង់ឲ្យសមត្ថកិច្ច២អង្ករភាពខាងលើ ។
បើតាមសេចក្តីប្រកាសព័តិមានពីក្រសួងមហាផ្ទៃក៏ដូចអគ្គៈស្នងការដ្ឋាននគរបាលជាតិ ឲ្យសមត្ថកិច្ចតាមខ្សែបន្ទាត់ព្រំដែនធ្វើយ៉ាងណារឹតបណ្តឹងរាល់ការលួចឆ្លងដែនខុសច្បាប់ខានតែបាន ។ ប៉ុន្តែផ្ទុយទៅវិញ សមត្ថកិច្ចដែលមានតួនាទីការពារ ព្រំដែនគោក បែរជាឃុបឃិតគ្នាបើកដៃឲ្យមេខ្យល់នាំពលករឆ្លងដែនដោយខុសច្បាប់យ៉ាងដូច្នោះទៅវិញ៕
