កាលពីថ្ងៃទី ១៦ ខែតុលា ឆ្នាំ២០១៥ វេលាម៉ោង ២០:១៥នាទី សមត្ថកិច្ចបានចុះបង្ក្រាបករណីប្រើប្រាស់គ្រឿងញៀនមួយករណី នៅចំណុចផ្ទះសំណាក់ លី សុមនា ស្ថិតនៅភូមិធ្នែង ឃុំស្រែខ្ទុម ស្រុកកែវសីមា ខេត្តមណ្ឌលគីរី ។
ក្នុងសកម្មភាពបង្ក្រាបនេះ សមត្ថកិច្ចចាប់បានជនសង្ស័យចំនួន ២នាក់ នៅបន្ទប់លេខ ២០៤ ១-ឈ្មោះ ស៊ុយ កឹង ភេទប្រុស អាយុ ២០ឆ្នាំ ជនជាតិខ្មែរ ស្រុកកំណើតភូមិប្រស្រែក្រោម ឃុំវិហារល្លង ស្រុកត្បូងឃ្មុំ ខេត្តកំពង់ចាម មានទីលំនៅបច្ចុប្បន្ន ៖ ភូមិអូរអាម ឃុំស្រែខ្ទុម ២-ឈ្មោះ សេត រិក ភេទស្រី អាយុ ២៩ឆ្នាំ ជនជាតិឥស្លាម មានកំណើតភូមិសួង ឃុំដងកាំបិត ឃុំស្រឡប់ ។ បច្ចុប្បន្នចំណុចគីឡូលេខ ៩ ឃុំ២ធ្នូ ស្រុកស្នួល ខេត្តក្រចេះ ។
សមត្ថកិច្ចបានរកឃើញវត្ថុតាង ដូចជាម្សៅក្រាមពណ៌ ២ ចំនួន ០៥ កញ្ចប់តូច ដែលសង្ស័យថា សារធាតុញៀន ។ បច្ចុប្បន្ន សមត្ថកំពុងកសាងសំណុំរឿងទៅតាមនីតិវិធី ៕
