បន្ទាយមានជ័យ៖ នៅព្រឹកថ្ងៃទី១៧ ខែវិច្ឆិកា ឆ្នាំ២០២៥ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី បានដឹកនាំក្រុមការងារ អញ្ជើញចុះសួរសុខទុក្ខ និងបាននាំយកអំណោយជាគ្រឿងឧបភោគ បរិភោគ សម្ភារៈប្រើប្រាស់ ថវិការមួយចំនួន ចែកជូនដល់ មន្ត្រីរាជការ កងកម្លាំងប្រដាប់អាវុធ នៅសាលាខេត្តបន្ទាយមានជ័យ។
ជាមួយគ្នានេះ ឯកឧត្តមអភិសន្តិបណ្ឌិត និងលោកជំទាវ ក៏បានឧបត្ថម្ភថវិកា ចំនួន ៥០លានរៀល ដល់គណៈបញ្ជាការសមរភូមិប្រចាំទិសភូមិភាគទី៣ ទី៤ និងទី៥ តាមរយៈនាយឧត្តមសេនីយ៍ ខេង សុមេធ អគ្គស្នងការរង នៃអគ្គស្នងការដ្ឋាននគរបាលជាតិ និងជាប្រធានគណៈបញ្ជាការ។
ក្នុងឱកាសនោះដែរ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ ដឹកនាំកម្លាំងនគរបាលក្រោមឱវាទ ចូលរួមទទួលអំណោយ និង ដឹកនាំកម្លាំងនគរបាលចុះការពារសន្តិសុខសុវត្ថិភាព និងរៀបចំសណ្តាប់ធ្នាប់ សម្រួលចរាចរណ៍ជូនថ្នាក់ដឹកនាំ ប្រតិភូក្រសួងមហាផ្ទៃ ប្រកបដោយការយកចិត្តទុកដាក់ខ្ពស់ ឈរលើស្មារតីទទួលខុសត្រូវ រហូតដល់ចប់កម្មវិធីប្រកបដោយជោគជ័យ និងមានសុវត្ថិភាពល្អ ។
អំណោយប្រគល់ជូនស្នងការដ្ឋាននគរបាលខេត្តបន្ទាយមានជ័យ រួមមាន៖
១. ថវិកា ចំនួន ២០លានរៀល
២. អង្ករ ចំនួន ៥តោន
៣. អាវក្លែងភេទ ចំនួន ១ ០០០អាវ
៤. តង់ក្លែងភេទ ចំនួន ១ ០០០តង់
៥. ម៉ាសសុវត្ថិភាពខ្នាតធំ ចំនួន ២០០ឈុត
៦. មីកញ្ចប់ ចំនួន ២៥កេសធំ
៧. ត្រីខកំប៉ុង ចំនួន ៤៥កេស
៨. គុយទាវកញ្ចប់ ចំនួន ២៥កេសធំ
៩. ខ្ទឹមស ចំនួន ១០០គីឡូក្រាម
១០. ទឹកបរិសុទ្ធកម្ពុជា ចំនួន ៥០កេស
១១. ទឹកបរិសុទ្ធហាយតិច ចំនួន ២៥ធុង
១២. ភេសជ្ជៈ ចំនួន ៥០កេស
១៣. ពងមាន់ ចំនួន ៣៥កេស
១៤. សាច់ជ្រូកកំប៉ុង ចំនួន ៣៥កេស
១៥. ខសាច់មាន់កំប៉ុង ចំនួន ២០កេស
១៦. ទឹកសណ្ដែកសៀងលាយសូកូឡា ចំនួន ១៥០កេស
១៧. ទឹកមៀនក្រហម ចំនួន ៥០កេស ៕
