ខេត្តស្វាយរៀង៖នៅព្រឹកថ្ងៃទី ០២ ខែ កក្កដា ឆ្នាំ ២០២៥ នេះ
ឯកឧត្តម មែ៉ន កល្យាណអភិបាលរងខេត្តស្វាយរៀងតំណាងដ៏ខ្ពង់ខ្ពស់ ឯកឧត្តម ប៉េង ពោធិសាអភិបាលនៃគណៈអភិបាលខេត្តស្វាយរៀង បានអញ្ជើញជាអធិបតីភាពក្នុងកិច្ចប្រជុំវេទិកាពិគ្រោះយោបល់ជាមួយសមាគមអង្គការមិនមែនរដ្ឋាភិបាលនិងសហគមន៏នានាដែលធ្វើសកម្មភាពក្នុងខេត្តស្វាយរៀង។
កិច្ចប្រជុំនេះក៏មានការអញ្ជើញចូលរួមពីលោកនាយករងរដ្ឋបាលសាលាខេត្ត លោកស្នងការនគរបាលខេត្ត លោកមេបញ្ជាការតំបន់ប្រតិបត្តិការសឹករង ខេត្ត
លោកមេបញ្ជាការរងកងរាជអាវុធហត្ថខេត្ត ឯកឧត្តមលោក ជំទាវ លោក លោកស្រីប្រធានមន្ទីរអង្គភាពជុំវិញខេត្តលោកអភិបាលក្រុងស្រុកទាំង ៨
លោកអនុប្រធានការិយាល័យប្រជាពលរដ្ឋខេត្ត លោកស្រី
មន្ត្រីចំណុះសាលាខេត្ត លោកអធិការនគរបាលក្រុងស្រុកទាំង៨ លោកមេ ឃុំ ចៅ សង្កាត់ទាំង ៨០ និងតំណាងអង្គការសមាគមកសិកម្មសរុបប្រមាណ ២៦០នាក់
មានប្រសាសន៍ទៅកាន់កិច្ចប្រជុំនេះក្នុងនាមក្រុមប្រឹក្សាខេត្តគណៈអភិបាលខេត្ត លោកអភិបាលរងខេត្តបានសំដែងនូវអំណរគុណយ៉ាងជ្រៀលជ្រៅចំពោះវត្តមានលោក លោកស្រីសមាជិកសមាជិកានៃអង្គវេទិកាទាំងមូលដែលបានចំណាយពេលវេលាដ៏មានតម្លៃ។ដើម្បីចូលរួមក្នុងកិច្ចប្រជុំនាពេលនេះ។និងថ្លៃអំណរគុណចំពោះលោក លោកស្រីប្រធានាបណ្ដាអង្គការសមាគមនដែលបានផ្ដល់កិច្ចសហការដ៏ល្អក្នុងការរៀបចំវេទិកានេះ។ក្នុងគោលបំណងដើម្បីពង្រឹងកិច្ចសហប្រតិបត្តិការនិងភាពជាដៃគូដ៏ល្អក្នុងការរួមចំណែកអភិវឌ្ឍន៍ជាមួយរាជរដ្ឋាភិបាលកម្ពុជា។ក្នុងការកាត់បន្ថយភាពក្រីក្រនៅតាមមូលដ្ឋាន
លោកអភិបាលរងខេត្តបន្តទៀតថាតាមរយៈការអនុវត្តយុទ្ធសាស្ត្រចតុកោណដំណាក់កាលទី ៤ កន្លងមករាជរដ្ឋាភិបាលសម្រេចបាននូវស្ថេរភាពនយោបាយកំណើនសេដ្ឋកិច្ចការអភិវឌ្ឍន៍ធនធានមនុស្សនិងការកាត់បន្ថយភាពក្រីក្រជុំវិញឲ្យប្រទេសកម្ពុជាក្លាយជាប្រទេសមានចំណូលមធ្យមកម្រិតទាបនៅឆ្នាំ ២០១៥ ហើយឈានឆ្ពោះទៅជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងប្រទេសមានចំណូលខ្ពស់ ២០៥០ ។
លោកអភិបាលរងខេត្តបានបន្តទៀតថាអង្គការសង្គមស៊ីវិលទាំងក្នុងស្រុកនិងបរទេសនិងសហគមន៍នានាបានដើរតួនាទីយ៉ាងសំខាន់ក្នុងការផ្ដល់និងគាំទ្រដល់សេវាសង្គមនៅតាមមូលដ្ឋានជនបទនិងសហគមន៍ដាច់ស្រយាលព្រមទាំងធ្វើសកម្មភាពនៅក្នុងវិស័យសំខាន់ៗផងដែរ។ក្នុងការតស៊ូមតិឲ្យមាន កំណែទម្រង់ជាតិដើម្បីលើកកម្ពស់សុខមាលភាពការអប់រំវិស័យផ្សេងៗទៀតអភិបាលកិច្ចល្អសិទ្ធិមនុស្សប្រព័ន្ធយុត្តិធម៌ច្បាប់សេវាសង្គមបរិស្ថានសុខមាលភាពស្ត្រីនិងកុមារ។
ក្រសួងមហាផ្ទៃបានចេញសេចក្តីណែនាំលេខ ០៤០ ស.ណ.ន
ចុះថ្ងៃទី ៣១ ខែតុលាឆ្នាំ ២០១៨ ស្ដីពីកិច្ចសហប្រតិបត្តិការរវាងរាជរដ្ឋាភិបាលនិងរដ្ឋបាលថ្នាក់ក្រោមជាតិជាមួយសមាគមន៏និងអង្គការមិនមែនរដ្ឋាភិបាលក្នុងស្រុកព្រមទាំងសហគមន៍នានាដែលធ្វើសកម្មភាពនៅតាមមូលដ្ឋានហើយថ្មីៗនេះក្រសួងមហាផ្ទៃបានចេញសេចក្តីជូនដំណឹងឲ្យពង្រឹងនិងចាត់ចែងរៀបចំវេទិកាពិគ្រោះយោបល់ដែលធ្វើសកម្មភាពក្នុងដែនសមត្ថកិច្ចរបស់ខ្លួនឲ្យបាន ០២ ដងរៀងរាល់ឆ្នាំដើម្បីជួបជុំគ្នាពិភាក្សាវាយតម្លៃអំពីវឌ្ឍនភាពការងារបញ្ហាប្រឈមទាំងឡាយដែលកើតមានឡើងក្នុងអំឡុងពេលអនុវត្តសកម្មភាពនិងសំណូមពរដើម្បីពិនិត្យនិងស្វែងរកនៅដំណោះស្រាយរួមមួយដែលអាចទទួលយកបានឈានទៅរកការកែតម្រូវក្នុងគោលបំណងអភិវឌ្ឍន៍មូលដ្ឋានសហគមន៍ទាំងអស់គ្នានិងដើម្បីលើកកម្ពស់កិច្ចសហប្រតិបត្តិការឲ្យមានភាពល្អប្រសើរ៕ដោយ មាស សំអឿន 
