ខេត្តរតនគិរី ៖ រថយន្តហ៊ីយ៉ាន់ដាយ ហីណូបែនបានបើកពីលិចមកកើតបម្រុងចូលក្រុងបានលុង ហើយមកដល់ចំណុចផ្សារតាយសេង ក៏បានជៀសរថយន្តមួយទៀតដែលបើកបញ្ច្រាសទិគ្នាបណ្តាលឲ្យរ៉េចង្កូតធ្លាក់ចូលប្រឡាយក្បែរចិញ្ចើមផ្លូវជាតិ៧៨ ហេតុការណ៍នេះកើតឡើងនៅវេលាម៉ោង៣និង៣០នាទី ថ្ងៃទី១៩ ខែមិថុនា ឆ្នាំ២០១៥ ស្ថិតនៅភូមិ៤ សង្កាត់កាចាញ ក្រុងបានលុង ខេត្តរតនគិរី។
អ្នកឃើញហេតុការណ៍បានឲ្យដឹងថារថយន្តម៉ាកបែន ពណ៌ស បើពីលិចមកកើតដោយដឹកគល់ឈើក្រញូងនិងឈើជ្រុង(ក្រញូង) បានបើកមកដល់ចំណុចខាងលើក៏ជៀសនឹងរថយន្តធំមួយទៀតបើកពីកើតទៅលិចដល់ណុចកើតហេតុខាងលើក៏បានរ៉េចង្កូតធ្លាក់ប្រឡាយទឹកខាងស្តាំដៃ ចំណែកតៃកុងឡាន មិនរងរបួសទេ និងអ្នកធ្វើដំណើរតាមផ្លូវចំណុចកើតហេតុនោះពុំមានប៉ះពាល់ និងរងគ្រោះថ្នាក់នោះទេ ហើយរថយន្តដែលធ្លាក់ចូលប្រឡាយនោះម៉ាកហ៊ីយ៉ាន់ដាយ ហីណូ បែន ពណ៌ស ពាក់ស្លាកលេខ ភ្នំពេញ 3A-9999 ដោយដឹកគល់ឈើ និងឈើក្រញូងពេញព្រៀប ហើយតៃកុងឡានបានរត់បាត់ស្រមោល។
ក្រោយកើតហេតុគេបានឃើញមន្ត្រីរដ្ឋបាលព្រៃឈើ និងកងកម្លាំងកងរាជអាវុធហត្ថក្រុង និងប៉ូលិសសេដ្ឋកិច្ចខេត្ត-ក្រសួង មកមើលនិងអូសរថយន្តយកទៅរក្សាទុក។
ប្រភពកន្លែងកើតហេតុបានឲ្យដឹងទៀតថារថយន្តខាងលើរកស៊ីដឹកគល់ក្រញូងនេះជាយូរណាស់មកហើយទើបពេលនេះទេបើកគេដឹង ឫមួយក៏សមត្ថកិច្ចខាងលើដឹងតែធ្វើមិនឃើញ មិនដឹង សង្ស័យទទួលសំណូកពីក្រុមអ្នករកស៊ីខាងលើ៕
ជីវ៉ា
