ខេត្តស្វាយរៀង៖ លោកនាយឧត្តមសេនីយ៍ សៅ សុខា អគ្គមេបញ្ហាការរងកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស អនុប្រធានក្រុមការងាររាជរដ្ឋាភិបាលចុះជួយខេត្តស្វាយរៀង និងជាប្រធាន ក្រុមការងារគាំទ្រកម្មវិធីនយោបាយរបស់រាជរដ្ឋាភិបាលចុះមូលដ្ឋានស្រុករមាសហែក

អញ្ជើញជាអធិបតីក្នុងពិធីបញ្ចុះបឋមសីលាសាងសង់ព្រះវិហារ វត្តគគីរ និងសាងសង់ទីស្នាក់ការគណបក្សប្រជាជនឃុំគគីរស្រុករមាសហែកនាព្រឹកថ្ងៃទី២៩ខែមិថុនាឆ្នាំ២០២៣។

ក្នុងឱកាសនោះ លោក ស៊ូ ម៉ុល អភិបាលស្រុករមាសហែកបានថ្លែងថា វត្តគគីរ គឺជាវត្តមួយស្ថិតក្នុងចំណោមវត្តទាំង៥២ក្នុងស្រុករមាសហែក វត្ត គគីរចាប់កសាងឡើងចាប់តាំងពីឆ្នាំ១៩៦២មកម្ល៉េះ មានអាយុកាល៦១ឆ្នាំមកហើយ។ ក្នុងឃុំគគីរ វត្តមាន០១ គឺវត្ត គគីរដែលយើងទាំងអស់គ្នានឹងប្រារព្ធពិធីបញ្ចុះបឋមសីលាសាងសង់ព្រះវិហារនាពេលថ្ងៃនេះ សូមបញ្ជាក់ផងដែរថា នៅឆ្នាំ២០១៧ ឯកឧត្ដមនាយឧត្ដមសេនីយ៍ សៅ សុខា បានឧបត្ថម្ភជួយកសាងឧបដ្ឋានសាលា១ខ្នង ចំណាយថវិការអស់១៦ម៉ឺន៥ពាន់ដុល្លារ។

លោកបន្តថា សមិទ្ធផល និងលទ្ធផលទាំងអស់នេះគឺបានមកពីការខិតខំរបស់ថ្នាក់ដឹកនាំដ៏ឈ្លាសវៃរបស់សម្តេច មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវការអនុវត្ត កម្មវិធីនយោបាយនិងយុទ្ធសាស្ត្រចតុកោណ ដំណាក់កាលទី៤ របស់រាជរដ្ឋាភិបាលកម្ពុជា នីតិកាលទី៦ ន រដ្ឋសភា បានសម្រេចនូវសមិទ្ធផលធំៗថ្មីៗជាច្រើនជូនជាតិមាតុភូមិ ជាពិសេសការដោះស្រាយប្រកប ដោយ ប្រសិទ្ធភាព ចំពោះវិបត្តិ និងបញ្ហាប្រឈមនានា ដែលបង្កឡើងដោយវិបត្តិសកលកូវីដ១៩ រាជរដ្ឋាភិបាលកម្ពុជា បានឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និង រងគ្រោះក្នុងអំឡុងពេលប្រយុទ្ធនិងជំងឺកូវិឌ១៩ ក្នុងនោះក្រោមការជួយ ឧបត្ថម្ភគាំទ្រពីក្រសួង ស្ថាប័នថ្នាក់ជាតិ និងក្រុមការងារគាំទ្រកម្មវិធីនយោបាយរាជរដ្ឋាភិបាលចុះមូលដ្ឋាស្រុករមាសហែក ជាពិសេសក្រោមការ ចង្អុលណែនាំពីសំណាក់ សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ ទំនងរដ្ឋសភាព្រឹទ្ធសភា និងអធិការកិច្ច និងជាប្រធានការងាររាជរដ្ឋាភិបាលចុះជួយខេត្តស្វាយរៀង លោក នាយឧត្តមសេនីយ៍ សៅ សុខា អគ្គមេបញ្ជារងកងយោធពលខេមរភូមិន្ទ មេបញ្ជាការកងរាជ អាវុធហត្ថលើផ្ទៃប្រទេស អនុប្រធានក្រុមការងាររាជរដ្ឋភិបាលចុះជួយខេត្ត និងជាប្រធានក្រុមការងារគាំទ្រកម្មវិធី នយោបាយរាជរដ្ឋាភិបាលចុះមូលដា្ឋស្រុករមាសហែក ក៏ដូចជា លោក ម៉ែន វិបុល អភិបាលខេត្តស្វាយរៀងផងដែរ។

ក្នុងឱកាសនោះ លោក នាយឧត្តមសេនីយ៍ សៅ សុខា  អនុប្រធានក្រុមការងាររាជរដ្ឋាភិបាលចុះជួយខេត្តស្វាយរៀង និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក បានផ្ដាំផ្ញើសាកសួរសុខទុក្ខពីសំណាក់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃកម្ពុជានិងជាប្រធានគណបក្សប្រជាជនកម្ពុជា
សម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជាក៏ដូចជាសម្ដេចកិត្តិសង្គហបណ្ឌិតម៉ែន សំអន អនុប្រធានគណបក្សប្រជាជនកម្ពុជានិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀងដល់លោកតាលោកតាយបងប្អូនប្រជាពលរដ្ឋ លោកគ្រូអ្នកគ្រូសិស្សានុសិស្សដែលបានចូលរួមនាពេលនេះផងដែរ។

លោកបានបន្តថា  រដូវនេះជារដូវវស្សាហើយសូមពុកម៉ែបងប្អូនប្រជាពលរដ្ឋធ្វើរបរកសិកម្មបង្កបង្កើនផលស្រែចម្ការរនិងដាំដំណាំហូបផ្លែផ្សេងៗសម្រាប់ដោះស្រាយជីវភាពប្រចាំថ្ងៃដល់ក្រុមគ្រួសារបន្ថែមទៀត។

លោក សៅ សុខា ក៏បានជំរុញដល់ប្រជាពលរដ្ឋទាំងអស់ចូលរួមគាំទ្រគោលនយោបាយភូមិ ឃុំ មានសុវត្ថិភាពទាំង ៧ ចំណុច រួមមាន៖
ទី១-ផ្តល់សេវាសាធារណៈ ជាពិសេសសេវារដ្ឋបាលប្រកបដោយគុណភាព តម្លាភាព និងទទួលបានជំនឿទុកចិត្ត។
ទី២-គ្មានបទល្មើស លួច ឆក់ ប្លន់ គ្រឿងញៀន ល្បែងស៊ីសងខុសច្បាប់ និងបទល្មើសគ្រប់ប្រភេទ។
ទី៣-មានសណ្តាប់ធ្នាប់សាធារណៈល្អ ជាពិសេសគ្មានគ្រោះថ្នាក់ចរាចរណ៍។
ទី៤-គ្មានអំពើអនាចារ គ្មានការជួញដូរមនុស្ស ពិសេសស្ត្រីនិងកុមារ គ្មានអំពើហិង្សាក្នុងគ្រួសារ ។
ទី៥-ដោះស្រាយវិវាទនៅមូលដ្ឋានក្រៅប្រព័ន្ធតុលាការប្រកបដោយគុណភាព និងប្រសិទ្ធភាព។
ទី៦-មានអនាម័យ មានសោភណភាពល្អ និងមានបរិស្ថានល្អ និងទី៧-ឆ្លើយតបបានទាន់ពេលវេលាចំពោះគ្រោះមហន្តរាយ និងរាល់ជំងឺឆ្លងរាតត្បាតកាចសាហាវប្រកបដោយប្រសិទ្ធភាព។

បន្ទាប់មក លោក សៅ សុខា ក៏បានអំពាវនាវដល់បងប្អូនប្រជាពលរដ្ឋ
ត្រូវត្រៀមលក្ខណ:សម្បត្តិឲ្យបានគ្រប់គ្រាន់សម្រាប់បំពេញកាតាព្វកិច្ច ជាពលរដ្ឋក្នុងការចូលរួម ក្នុងការបោះឆ្នោតតំណាងរាស្ត្រអាណត្តិទី៧ នាពេលខាងមុខនេះ  ដើម្បីរក្សាការអភិវឌ្ឍន៍ និងរក្សាការងាររបស់បងប្អូនទាំងអស់គ្នា ជាពិសេសបន្តគាំទ្រសម្ដេចតេជោហ៊ុន សែន ធ្វើជានាយករដ្ឋមន្ត្រីនិងគាំទ្របេក្ខភាពនាយករដ្ឋមន្ត្រីនាពេលអនាគត គឺលោក បណ្ឌិត ហ៊ុន ម៉ាណែត ផងដែរ៕