មន្ត្រីសុខាភិបាល ២រូប នៃស្នងការដ្ឋាននគរបាលខេត្តបន្ទាយមានជ័យ ទទួ ឧបត្ថម្ភ ថវិកា សម្ភារៈ ពីលោក ឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ
ខេត្ដបន្ទាយមានជ័យ៖ កាលពីថ្ងៃទី ២៦ ខែ មិថុនា ឆ្នាំ២០២៣ លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានចាត់តាំងឱ្យលោក ឧត្តមសេនីយ៍ត្រី វ៉ាត ចន្ថា ស្នងការរង បានអញ្ជើញដឹកនាំមន្ត្រីក្រោមឱវាត នាំយកអំណោយរបស់លោក ឧត្តមសេនីយ៍ទោ សិទ្ធិ ឡោះ ស្នងាការ នគរបាលខេត្ត ថវិកា ចំនួន ១,៦០០,០០០រៀល (មួយលានហុកសិបមុឺនរៀល) អង្ករ ១០០គីឡូ ទឹកបរិសុទ្ធចំនួន ៤កេស ចុះសួសុខទុក្ខ មន្រ្តីសុខាភិបាលចំនួន២រូប ដែលសម្រាកព្យាបាលជម្ងឺប្រចាំកាយនៅផ្ទះ ស្ថិតក្នុងភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។
មន្ត្រីដែលសម្រាកព្យាបាលនៅផ្ទះមានឈ្មោះ
១-លោកស្រី វរសេនីយ៍ទោ នេត្រ ពិពណ៍ នាយរងការិយាល័យ សុខាភិបាល ថវិកា ចំនួន ៨០០,០០០រៀល អង្ករ ១ការ៉ុង ទឹកបរិសុទ្ធ ២កេស ។
២-លោកស្រី លុយ លក្ខិណា នាយរងការរងការិយាល័យ សុខាភិបាល ថវិកា ចំនួន ៨០០,០០០រៀល អង្ករ ១ការ៉ុង ទឹកបរិសុទ្ធ ២កេស ។
ក្នុងឱកាសចុះសួសុខទុក្ខនេះដែរ លោកឧត្តមសេនីយ៍ត្រី វ៉ាត ចន្ថា ស្នងការរង បានពាំនាំការសួសុខទុក្ខ ពីសំណាក់លោកឧត្តមសេនីយ៍ទោ ស្នងការ សម្តែងនូវការព្រួយបារម្មណ៍ សូមកុំឲ្យមានការព្រួយបារម្ម ថ្នាក់ដឹកនាំគ្រប់ជាន់ថ្នាក់តែងតែនៅជាមួយបងប្អូននគរបាលគ្រប់រូប សូមថែរក្សាយកចិត្តទុកដាក់ចំពោះសុខភាព ត្រូវរស់នៅដោយអនាម័យ ប្រឹងហូបចុកឲ្យបានច្រើន គេងឲ្យបានច្រើន និងជូនពរឆាប់ជាពីជំងឺ។
មន្ត្រីនៃសុខាភិបាល នៃស្នងការដ្ឋាននគរបាលខេត្ត ក៏បានគោរពថ្លែងអំណរគុណ ដល់លោកឧត្តមសេនីយ៍ទោ ស្នងការ និងសហការី ដែលបានគិតគូរនិងយកចិត្តទុកដាក់ ដល់មន្រ្តីនគរបាលដែលកំពុងសម្រាកព្យាបាល និងជួបការខ្វះខាត ។ មន្ត្រីនៃសុខាភិបាលក៏សូមគោរពជូនពរដល់ថ្នាក់ដឹកនាំទាំងអស់សូមជួបប្រទះតែពុទ្ធពរទាំង៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ៕
