ទីបំផុត ! ដល់ថ្ងៃកំណត់ អ្នកឧកញ៉ា ហ៉ី គឹមហុង អគ្គនាយកក្រុមហ៊ុនពិភពដីមាស មិនហ៊ានចូលខ្លួនតាមការកោះហៅ របស់មន្ត្រីនគរបាលយុត្តិធម៌ ខេត្តកំពត
ភ្នំពេញ ៖ ដំណោះស្រាយនៅថ្ងៃទីមួយនេះរវាងប្រជាពលរដ្ឋនិងក្រុមហ៊ុនពិភពដីមាស មិនទាន់មានការឯកភាពពីប្រជាពលរដ្ឋនោះទេ ។ ប្រជាពលរដ្ឋចង់ជួបជាមួយលោកឧកញ៉ាប្រធានក្រុមហ៊ុនពិភពដីមាសផ្ទាល់ សង្ឃឹមថាលោកឧកញ៉ានិងមកជួបប្រជាពលរដ្ឋដោយមិនចាំបាច់មានលិខិតកោះហៅជាលើកទី២ ពីមន្ត្រីនគរបាលយុត្តិធម៌ ដើម្បីបញ្ជាក់អំពីទំនួលខុសត្រូវច្បាស់លាស់របស់ក្រុមហ៊ុនជាមួយប្រជាពលរដ្ឋ 484 គ្រួសារ។ 26.06.23 ។ នេះសារបង្ហោះដោយ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាល ខេត្តកំពត នៅរសៀលថ្ងៃទី២៦ ខែមិថុនា ឆ្នាំ២០២៣។
សូមបញ្ជាក់ថា : អគ្គនាយកក្រុមហ៊ុនពិភពដីមាស បែបស្រមើស្រមៃថា , តិចមាន អនាគត ដូច ឧកញ៉ា ជា សារ៉ន ទៅ ? ទើបទីបំផុត ! អ្នកឧកញ៉ា ហ៉ី គឹមហុង អគ្គនាយកក្រុមហ៊ុនពិភពដីមាស មិនហ៊ានចូលមកបំភ្លឺតាមលិខិតអញ្ជើញរបស់ស្នងការនគរបាលខេត្តកំពតនោះទេដោយចាត់តំណាងម្នាក់មកជួបប្រជាពលរដ្ឋរងគ្រោះ ។
ក្នុងការជួបជជែកគ្នានេះ តំណាងក្រុមហ៊ុនមិនអាចដោះស្រាយអ្វីបានទាំងអស់ ចំណែកប្រជាពលរដ្ឋទាមទារអោយក្រុមហ៊ុន ប្រគល់ថវិកាសងមកពួកគាត់វិញ ។
បេីតាមតួលេខបណ្ដឹងដែលស្នងការខេត្តកំពតទទួលបានគឺមានរហូតដល់ជាង ៤៨៤បណ្ដឹង និងមានទឹកប្រាក់សរុបប្រមាណ ៧លានដុល្លារ ទៅ ៨ លានដុល្លារឯណោះ ។
លោកឧត្ដមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានអោយដឹងថា លោកនឹងធ្វេីលិខិតកោះហៅ អ្នកឧកញ៉ា ហ៊ី គឹមហុង មកបំភ្លឺជាលេីកទី២ ក្នុងករណី អ្នកឧកញ៉ារូបនេះមិនមក លោកនឹងសុំគោលការណ៍ព្រះរាជអាជ្ញាដេីម្បីចាត់ការបន្តតាមនិតិវិធីច្បាប់ ។
សូមជម្រាបថា : អ្នកឧកញ៉ា ហ៉ី គឹមហុង អគ្គនាយកក្រុមហ៊ុនពិភពដីមាស បើខ្លួនមិនរកសុីបោកប្រាស់ ប្រជាពលរដ្ឋ ខ្លាចអី ចូលខ្លួនដោះស្រាយ ។ ប៉ុន្តែបើបោកប្រាស់ដូចបណ្តឹង របស់ប្រជាពលរដ្ឋ រហូតដល់ ៤៨៤ បណ្តឹង ដូចលោកស្នងការអះអាងនេះ គឺជៀសមិនផុតពីទៅ ជួប លោកឧកញ៉ា ជា សារ៉ន ឡើយ ៕
