ពលរដ្ឋក្រីក្រនិងចាស់ជរា ជាង៦០គ្រួសារទទួលអំណោយពីលោក ឃន សុខា និងក្រុមគ្រួសារ ព្រមទាំងបងប្អូន មិត្តភក្កិ នៅស្រុករំដួល !

ខេត្ដស្វាយរៀង ៖ នាព្រឹកថ្ងៃទី៣០ខែឧសភា ឆ្នាំ២០២៣នេះ លោក ឃន សុខា និងក្រុមគ្រួសារ ព្រមទាំងបងប្អូន មិត្តភក្កិ នៅខេត្តកំពង់ចាមបាននាំយកអំណោយ ជាសម្ភារ និងថវិកា មួយចំនួន តាមរយៈ លោកកែវ ចន្ធី អនុប្រធានការិយាល័យអប់រំស្រុករំដួល ទៅចែកជូនដល់ ប្រជាពលរដ្ឋដែលជាង៦០គ្រួសារមកពីភូមិស្វាយចេក ភូមិអន្លង់ស្ពាន និងភូមិថ្មី ក្នុងឃុំស្វាយចេក ស្រុករំដួល ខេត្តស្វាយរៀង អំណោយនេះចែកជួនដល់ចាស់ជរា និងពលរដ្ឋដែលមានជីវភាពខ្វះខាត ក្រោមអធិបតីភាពដ៏ខ្ពង់ខ្ពស់លោកហែម ស៊ីណា អភិបាលនៃគណៈអភិបាលស្រុករំដួល  ពិធីនេះធ្វើឡើងនៅវត្ដស្វាយចេកចាស់ស្ថិតក្នុងភូមិស្វាយចេក ឃុំស្វាយចេក ស្រុករំដួល ខេត្ដស្វាយរៀង ។

ដោយមើលឃើញពីទុក្ខលំបាករបស់បងប្អូនប្រជាពលរដ្ឋ និងចាស់ជរា ជាង៦០គ្រួសារនេះនៅក្នុងមូលដ្ឋានស្រុករំដួលដែលមានជីវភាពភាពក្រីក្រខ្វះខាតទើបលោកកែវ ចន្ធី អនុប្រធានការិយាល័យអប់រំស្រុករំដួល បានស្នើសុំលោក ឃន សុខា និងក្រុមគ្រួសារ ព្រមទាំងបងប្អូន មិត្តភក្កិ  ជាអំណោយមានសម្ភរៈជាគ្រឿងឧបភោគ បរិភោគ និងថវិកា មួយចំនួនមកចែកជូនដើម្បីជួយសម្រាលដល់ទុក្ខលំបាករបស់ពួកគាត់បានមួយគ្រាផងដែរ។

អំណោយដែលនាំយកចែកជូនដល់ពលរដ្ឋជាង៦០គ្រួសារក្នុងមួយគ្រួសារទទួលបាន រួមមាន ៖ អង្ករ,សារ៉ុង, ក្រមា ,និង ថវិកាចំនួន ២ម៉ឺនរៀលហើយក៏បានឧបត្ថម្ភដល់កម្លាំងនគរបាលប៉ុស្ដិ៍កង្ហាចំនួន២និងប្រគេនបច្ច័យដល់ព្រះសង្ឃសម្រាប់កសាងវត្តផងដែរ ។

ឆ្លៀតក្នុងឪកាសនោះដែរលោកហែម សុីណា អភិបាលស្រុករំដួលសូមថ្លែងអំណរគុណយ៉ាងជ្រាលជ្រៅដល់លោក ឃន សុខា និងក្រុមគ្រួសារ ព្រមទាំងបងប្អូន មិត្តភក្កិមកពីខេត្តកំពង់ចាម សូមអោយមានសុខភាពល្អ សំណាងល្អ ជោគជ័យគ្រប់ភារកិច្ចការងារ សូមសមប្រកបនូវពុទ្ធពរទាំងបួនប្រការគឺ អាយុវណ្ណៈ សុខៈពលៈ កុំបីឃ្លៀងឃ្លាតឡើយ៕