លោកយាយ ចាស់ជរា នៅឃុំទឹកជោរ ស្រុកព្រះនេត្រព្រះ ទទួលអំណោយឧបត្ថម្ភ សម្ភារៈ ពីលោក ឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ
ខេត្តបន្ទាយមានជ័យ៖ដោយពិនិត្យឃើញពីការលំបាករបស់ លោកយាយ ចាស់ជរា វ័យ ៧៣ឆ្នាំ នឹងផ្ទះដែលមានសភាពពុកផុយអាចនឹងប្រឈមគ្រោះថ្នាក់ផ្សេងៗ និងកំពុងជួបខ្វះខាតថវិកាសាងសង់ផ្ទះឲ្យបានសមរម្យនោះ នៅព្រឹកថ្ងៃទី ៣០ ខែ ឧសភា ឆ្នាំ ២០២៣ លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានចាត់ឱ្យ លោកវរសេនីយ៍ទោ ទេព រដ្ឋា អធិការ នគរបាលស្រុកព្រះនេត្រព្រះ អមដំណើរ លោក ឃូ ពៅ អភិបាល នៃគណៈអភិបាលស្រុក ចុះសួរសុខទុក្ខ លោកយាយវ័យចាស់ និងបានជួយឧបត្ថម្ភ សម្ភាៈ ជា សសរ ថវិកា និង លោកអភិបាលស្រុក ជួយឧបត្ថម្ភ ក្តា ឈើក្រប ស័ង្កសី សម្រាប់ជុសជុលធ្វើផ្ទះជូនលោកយាយ ។
លោកយាយ ឈ្មោះ ហាច ហែរ អាយុ ៧៩ឆ្នាំ រស់នៅភូមិថ្មី ឃុំទឹកជោរ ស្រុកព្រះនេត្រព្រះ ផ្ទះលោកយាយមានទំហំ (៤.៥០ម*៤.៨០ម) ជាមួយគ្នានោះដែរ លោកអធិការ បានជូនថវិកា លោកតាលោកយាយ ចំនួន៣នាក់ ក្នុងម្នាក់ៗ ថវិកា ៥មុឺនរៀល ។
ការចុះសួរសុខទុក្ខនេះក៏មានការអញ្ជើញ ពី លោក ប៊ូន លាងផេង អភិបាលរងស្រុកព្រះនេត្រព្រះលោកមេឃុំ លោកនាយប៉ុស្តិ៍ ផងដែរ ៕
