(បន្ទាយមានជ័យ)÷ថ្ងៃទី២៥ខែឧសភាឆ្នាំ២០២៣ យុវជនឈាមរាវ ១ក្រុម គ្រាន់តែមានទំនាស់ពាក្យសំដីនិងគ្នា សោះមិនអាចដោះស្រាយបាន មានគំនុំ ឈានដល់កែនគ្នាជាច្រើននាក់ មានកាំបិត ដាវ ដេញកាប់គូ សត្រូវ ផ្អើលពេញសង្កាត់អូរអំបិល បណ្តាលឲ្យយុវជនម្នាក់របួសធ្ងន់ ត្រូវកំលាំងអធិកាដ្ឋាននគរបាលក្រុងសិរីសោភ័ណ ចុះបង្ក្រាបបាន១១នាក់។រឿងរាវនេះកើតឡើងនៅលាម៉ោង ៨យប់ថ្ងៃទី២៣ ខែឧសភា ២០២៣ នៅចំណុចតូបលក់ឥវ៉ាន់ចាបហ៊ួយ១កន្លែង ស្ថិតក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
តាមការអះអាងរបស់ជនសង្ស័យទាំងអស់បាននិយាយប្រាប់សមត្ថកិច្ចថា រឿងរាវដែលឈានដល់កាប់គ្នានេះ ផ្តើមពីរឿងគំនុំកន្លងមក ដោយក្រុមខ្លួនមិនសុខចិត្ត កែនគ្នាបានចំនួន ១៦នាក់ជិះម៉ូតូ៦គ្រឿងចេញធ្វើសកម្មភាព ទាំងយប់ មានម៉ាកហុងដាឌ្រីម៥គ្រឿង ម៉ាកស្កុបពីរ ១គ្រឿង ពណ៌ខៀវ ដេញកាប់ និងយកដុំថ្មគប់ទៅលើ ជនរងគ្រោះមានគ្នា ៥នាក់ ពេញតែចំណុចតូបលក់ឥវ៉ាន់ចាបហ៊ួយ បណ្តាលឲ្យជនរងគ្រោះត្រូវជនសង្ស័យកាប់ចំដៃរងរបួសធ្ងន់១នាក់ ជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យមិត្ដភាពកម្ពុជាជប៉ុនស្រុកមង្គលបូរី ចំណែក ៤នាក់ទៀតគេចរួចខ្លួន មិនអស់ចិត្ត ជនសង្ស័យបានកាប់ម៉ូតូ ខូតអស់៣គ្រឿងបន្តទៀតហើយគេចខ្លួនបាត់អស់។
ក្រោយពីកើតហេតុហើយ លោកឧត្តមសេនីយ៍ទោ សិទ្ធិ ឡោះស្នងការនគរបាលខេត្តបន្ទាយមានជ័យ បញ្ជាឲ្យ លោក វរសេនីយ៍ឯក ស៊ី ឌី អធិការនគរបាលក្រុងសិរីសោភ័ណដឹកនាំកំលាំងនគរបាលក្រុង១ក្រុម សហការគ្នាជាមួយ កម្លាំងនគរបាលព្រហ្មទ័ណ្ឌកំរិតស្រាល ចុះស្រាវជ្រាវជនបង្កកាប់គេ ឈានដល់ឃាត់ខ្លួន ជនសង្ស័យបានចំនួន១១នាក់ ក្នុងចំណោម ១៦នាក់ រួមនិងវត្ថុតាង មានម៉ូតូ៥គ្រឿង និង កាំបិតពិឃាត ៣ដើម យកមកអធិការក្រុងសិរីសោភ័យដើម្បីធ្វើកំណត់ហតុ ។
លោក វរសេនីយ៍ឯក ស៊ី ឌីបានមានប្រសាសន៍ថាពេលដែលកំលាំងនគរបាលក្រុងធ្វើកំណត់ហេតុនោះជនសង្ស័ទាំង១១នាក់មានឈ្មោះ
ទី១ឈ្មោះឡន ជីឡុង អាយុ១៦ឆ្នាំ ទី២ឈ្មោះសម្ភស្ស ប៊ុនហេង អាយុ១៦ឆ្នាំ ទី៣ ឈ្មោះញែប ឡុងហេង អាយុ១៧ឆ្នាំជនដៃដល់មានកាំបិត ទី៤ ឈ្មោះពេញ នរៈសត្យា អាយុ១៧ឆ្នាំ ទី៥ ឈ្មោះខន រតនា អាយុ១៦ឆ្នាំ ទី៦ ឈ្មោះខន សិរីឧត្តមអាយុ១៦ឆ្នាំ ទី៧ ឈ្មោះយាន គារ៉ា អាយុ១៦ឆ្នាំ ទី៨ ឈ្មោះធឿន ប៉ូលីន អាយុ១៧ឆ្នាំ ទី៩ឈ្មោះប៊ុឡា ផានិត អាយុ១៥ឆ្នាំ ភូមិសូភី ទី១០ឈ្មោះជូ បញ្ចះបញ្ញាអាយុ១៦ឆ្នាំ ទី១១ ឈ្មោះភាព ពីនធុក អាយុ១៥ ឆ្នាំ ជនសង្ស័យទាំង១១នាក់រស់នៅក្នុងក្រុងសិរីសោភ័ណ។ចំណែកជនរងគ្រោះមានឈ្មោះ សមុទ្យ ភេទប្រុស ត្រូវគេកាប់ចំដៃឆ្វេង ។
លោក វរសេនីយ៍ឯក ស៊ី ឌីបានមានប្រសាសន៍បន្តឲ្យដឹងទៀតថានៅព្រឹកថ្ងៃទី ២៥ ខែ ឧសភា ឆ្នាំ ២០២៣នេះ លោកបានបញ្ជូនជនសង្ស័យមកស្នងការខេត្ត ដើម្បីចាត់ការបន្ត។
ជនសង្ស័យ ទាំង១១នាក់នេះ ដោយបានការអនុញ្ញាតពីលោកឧត្តមសេនីយ៍ទោ សិទ្ធិ ឡោះស្នងការនគរបាលខេត្តបន្ទាយមានជ័យ និងមានការសម្របសម្រួលពីលោក កើត វណ្ណារ៉េត ព្រះរាជអាជ្ញា អមសាលាដំបូងខេត្តផង ជនសង្ស័យត្រូវបានកម្លាំងការិយាល័យព្រហ្មទណ្ឌខេត្តបន្ត បញ្ជូនទៅសាលាដំបូងខេត្តដើម្បីចាត់ការទៅតាមច្បាប់ ចំណែក ជនសង្ស័យ៥នាក់ទៀតកំពុងរត់គេចនោះកំលាំងនគរបាលក្រុងសិរីសោភ័ណកំពុងស្រាវជ្រាវយកមកផ្តន្ទាទោសទៅតាមច្បាប់ផងដែរ៕
