(បន្ទាយមានជ័យ)÷ថ្ងៃ២៤ខែឧសភាឆ្នាំ២០២៣លោក កែគឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុងការងាររាជរដ្ឋាភិបាលចុះជួយមូលដ្ឋានខេត្តបន្ទាយមានជ័យ អនុប្រធានសមាគមអតីតយុទ្ធជនកម្ពុជា បានចូលរួមក្នុងពិធីបំពាក់គ្រឿងឥស្សរិយយស ជូនដល់
សមាជិកសមាគមអតីតយុទ្ធជន ក្នុងក្រុងសិរីសោភ័ណ ចំនួន ៨៨៨នាក់។ក្នុងនោះក៏មានការចូលរួម លោក ខេង ស៊ុម ប្រធានក្រុមប្រឹក្សាខេត្ត លោក អ៊ុំ រាត្រី អភិបាលខេត្ត និងជាប្រធានកិត្តិយស សមាគមអតីតយុទ្ធជនកម្ពុជាខេត្តបន្ទាយមានជ័យ អភិបាលរងខេត្ត អង្គភាពទាំង៣មាន កងរាជអាវុធហត្ថ ស្នងការនគរបាលខេត្ត យោធា លោកស្រេងសុផល អភិបាលក្រុងសិរីសោភ័ណ និងមន្ត្រីពាក់ព័ន្ធជាច្រើននាក់ទៀត។នៅព្រឹក ថ្ងៃទី ២៤ ខែឧសភា ឆ្នាំ ២០២៣ នៅក្នុងសាលប្រជុំសាលាខេត្តបន្ទាយមានជ័យ។
ក្នុងរបាយការណ៍ស្វាគមន៍របស់ លោកឧត្តមសេនីយ៍ត្រី ជឹម ប៊ុនអាន មេបញ្ជាការតំបន់ប្រតិបត្តិការសឹករងខេត្តបន្ទាយមានជ័យ និងជាប្រធានសមាគមអតីតយុទ្ធជនកម្ពុជាខេត្តបានមានប្រសាសន៍ថា ថ្ងៃនេះមាន
គ្រឿងឥស្សរិយយសចំនួន៨៨៨គ្រឿង អស្សឬទ្ធិ គ្រឿងឥស្សរិយយសការពារជាតិថ្នាក់មាស ប្រាក់ជាដើម បានធ្វើការបំពាក់ជូនដល់
សមាគមអតីតយុទ្ធជនកម្ពុជា ក្នុងក្រុងសិរីសោភ័ណចំនួន៨៨៨នាក់។
ឧត្តមសេនីយ៍ត្រី ជឹម ប៊ុនអានបានមានប្រសាសន៍បន្តទៀតថា ពិធីជួបជុំសំណេះសំណាល និងបំពាក់មេដាយជូនដល់អតីតយុទ្ធជន នាឱកាសនេះ គឺដើម្បីសម្តែងនូវការគោរពដឹងគុណ ចំពោះបងប្អូនអតីតយុទ្ធជនកម្ពុជា នូវគំរូវីរភាពដ៏មោះមុត និងគុណបំណាច់ដ៏ធំធេងរបស់វីរយុទ្ធជន យុទ្ធនារី នៃកងកម្លាំងប្រដាប់អាវុធ ដែលបានពលិកម្មយ៉ាងអង់អាចក្លាហាន បូជាសាច់ស្រស់ ឈាមស្រស់ ដើម្បីបុព្វហេតុជាតិមាតុភូមិជាទីស្នេហានៃយើង ក្រោមការដឹកនាំ របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា បានយកចិត្តទុកដាក់ខ្ពស់ក្នុងការអនុវត្តគោលនយោបាយនានា ដើម្បីលើកកម្ពស់សុខុមាលភាព និងជីវភាពរស់នៅរបស់បងប្អូនអតីតយុទ្ធជនឲ្យបានល្អប្រសើរជាបន្តបន្ទាប់។
ពិធីនោះ លោក កែគឹមយ៉ានបានមានប្រសាសន៍ថា ការខិតខំ យកចិត្តទុកដាក់ និងយកអស់កំលាំងកាយចិត្ត ក្នុងការបម្រេីសេវាសំណូមពរ ពីបងប្អូនអតីតយុទ្ធជន លេីការពិនិត្យស្ថានភាពជីវភាពរស់នៅជាក់ស្ដែងរបស់បងប្អូន រហូតទទួលបាន ផ្ទះដីសម្បទានសង្គមកិច្ច និងការសាងសង់ផ្ទះ ព្រមទាំងការលេីកកម្ពស់កម្រិតជីវភាពរបស់បងប្អូនអតីតយុទ្ធជន បានល្អប្រសេី មកដល់សព្វថ្ងៃនេះផងដែរ ទាំងអស់នេះគឺជាអំណោយ របស់ សម្ដេច តេជោហ៊ុនសែន ដេីម្បី ជាការឆ្លេីយតបទៅនឹងពលីកម្មដ៏ស្មោះសគ្រ័្មរបស់បងប្អូនអតីតយុទ្ធជនកម្ពុជា ដែលត្រូវ បានចាត់ទុកថាជាគំរូវីរភាពស្នេហាជាតិនិងគុណបំណាច់ដ៏ធំធេងចំពោះជាតិមាតុភូមិ សម្ដេចអគ្គមហាសេនាបតីតេជោ ហ៊ុន សែន បាន បំពាក់ គ្រឿង ឥស្សរិយយស ដល់បងប្អូនអតីតយុទ្ធជនកម្ពុជា ចំនួន៨៨៨នាក់តាមរយៈលោក កែគឹមយ៉ាន នៅទូទាំងក្រុងសិរីសោភ័ណ។
នៅក្នុងឱកាសបំពាក់គ្រឿងឥស្សរិយយសជូនបងប្អូនអតីតយុទ្ធជន នាពេលនោះ លោកគែគឹមយ៉ានបាននាំយកថវិការបស់សម្តេចអគ្គមហាសេនាបតីតេជោ ហ៊ុន សែន ឧបត្ថម្ភដល់អតីតយុទ្ធជនទាំង ៨៨៨នាក់ ក្នុងម្នាក់ៗ ទទួលបានថវិកា ចំនួន ៥០.០០០រៀល ផងដែរ៕
