មានករណី : មនុស្សឃាដដោយអចេតនា(បង្កដោយអាវុធ)

មានករណី : មនុស្សឃាដដោយអចេតនា(បង្កដោយអាវុធ)
ខេត្តរតនគិរី,ស្រុកវុឹនសៃ
នៅចំនុចក្នុងព្រៃក្រុមហ៑ុនម៉ាងយ៉ាង ស្ថិតនៅឃុំភ្នំកុក ស្រុកវុឺនសៃ ខេត្តរតនគិរី កាលពីវេលាម៉ោងប្រហែល ៣,០០នាទីទៀបភ្លឺ ថ្ងៃទី២៣ ខែឧសភា ឆ្នាំ២០២៣
ជនសង្សយ័ឈ្មោះពក់ ធឿន ភេទប្រុសអាយុ២០ឆ្នាំជនជាតិខ្មែរដើមគ្រឹងមុខរបរកសិកររស់នៅភូមិធួយអំពិល ឃុំចាអ៊ុង ស្រុកអូរជុំ ខេត្តរតនគិរី។ជនរងគ្រោះឈ្មោះទិន កិ ភេទប្រុសអាយុ១៨ឆ្នាំ ជនជាតិខ្មែរដើមគ្រឹង មុខរបរកសិកររស់នៅភូមិធួយអំពិល ឃុំចាអ៑ុង ស្រុកអូរជុំ ខេត្តរតនគិរី។វត្ថុតាងចាប់យកបានមានអាវុធAK47០១ដើមយកបានពីកន្លែងកើតហេតុក្នុងព្រៃសង្ស័យជា(អាវុធបង្កហេតុ) កាលពីវេលាម៉ោង១២,៣០នាទីយប់ឈានចូល ថ្ងៃទី២៣/ខែឧសភា/ឆ្នាំ២០២៣ ជនរងគ្រោះ បានបបួលជនសង្ស័យទៅរកបាញ់សត្វ នៅចំណុចព្រៃក្បែរក្រុមហ៑ុនម៉ាងយ៉ាង ឃុំភ្នំកុក ស្រុកវុឺនសៃ ខេត្តរតនគិរី។ទៅដល់ទីនោះជនសង្ស័យក៍បានអោយជនរងគ្រោះនៅអង្គុយចាំម៉ូតូ ជនសង្ស័យបានចុះតាមអូរទៅរកបាញ់សត្វ ពេលនោះជនសង្ស័យឆ្លុះភ្លើងកូបពិល ក្រវីចុះឡើងក៏ឃើញភ្នែកជនរងគ្រោះ ស្មានតែភ្នែកសត្វក៍បានលើកកាំភ្លើងបាញ់តែម្តងបន្ទាប់មកក៏ឮសំលេងស្រែកអូយ ជនសង្ស័យបានរត់ទៅមើលឃើញ ជនរងគ្រោះត្រូវរបួសចំស្មារខាងឆ្វេង ហើយជនសង្ស័យក៍បានយកជនរងគ្រោះទៅមន្ទីរពេទ្យបង្អែកខេត្តរតនគិរី ។ ពេលនោះគ្រូពេទ្យក៏បានលាងនិងដេរចំនួន៣ថ្នេររួចក៏រុំរបួសនោះកុំឲ្យចេញឈាម។យោងតាមការបញ្ជាក់របស់គ្រូពេទ្យឲ្យដឹងថា ពេលលាងរបួសឃើញមានឈាមហូរចេញពីក្នុងពណ៌ខ្មៅ មិនដឹងថាត្រូវរបួសដោយសាអ្វី។មួយសន្ទុះក្រោយមកជនរងគ្រោះក៏បានដាច់ខ្យល់ស្លាប់តែម្តង។
យោងតាមការពិនិត្យកន្លែងកើតហេតុ.និងចម្លើយសារភាពរបស់ជនសង្ស័យ គឺពីកន្លែងឈរបាញ់មកកន្លែងជនរងគ្រោះ មានសភាពដីជំរៀលអូរ បាញ់ពីក្រោមរាងបញ្ឆិតឡើងលើ។
ជនរងគ្រោះស្លៀកខោផ្កាឆ្នូត ជើងវែង រឹបចង្កេះ. អាវដៃវែង ពណ៌ខ្មៅឆ្នូតស ។ស្លាកស្នាម ឃើញនៅត្រង់ចុងស្មាដៃខាងឆ្វេង មានស្នាមរបួសរយ៉ះសាច់ទំហំ៤×២.៥សម ជំរៅដល់ឆ្អឺង(បែកឆ្អឹងដើមដៃ) ដេរ៣ថ្នេរ មុខរបួសនិងសាច់ក្នុងឡើងពណ៌ខ្មៅ ក្រៅពីនេះពុំស្លាកស្នាមអ្វីទៀតឡើយ។សមត្ថកិច្ចសន្និដ្ឋានយោងតាមការពិនិត្យសាកសព ខាងលើ ជនរងគ្រោះពិតជាស្លាប់ដោយសាការបង្កឡើងដោយគ្រាប់កាំភ្លើង ត្រូវរយ៉ះសាច់និងបែកឆ្អឹង ហូរឈាមច្រើន បណ្ដាលឲ្យស្លាប់ពិតប្រាកដមែន។បន្ទាប់ពីកិច្ចប្រតិបត្តិការណ៍ចប់សមត្ថកិច្ចបានធ្វើកំណត់ហេតុជូនក្រុមគ្រូសារដើម្បីចាត់ចែងតាមប្រពៃណី។ដោយទៀវដារិន