នារសៀលថ្ងៃទី២០ ខែតុលា ឆ្នាំ២០២៥នេះ ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង ឯកឧត្តម ចៅ ភិរិទ្ធ ប្រធានក្រុមការងាររាជដ្ឋាភិបាលចុះមូលដ្ឋានស្រុកស្វាយជ្រំ និងលោកជំទាវ ហៅ ច័ន្ធសិរីទេពី ចៅភិរុណ បានអញ្ជេីញជាអធិបតីក្នុងពិធីក្រុងពាលីសុំសេចក្តីសុខសប្បាយក្នុងឱកាសសម្ពោធដាក់ឱ្យប្រើប្រាស់ជាផ្លូវការនូវអគារមន្ទីរពេទ្យបង្អែកស្វាយជ្រំថ្មី ស្ថិតនៅភូមិស្វាយក្ងោ ឃុំស្វាយជ្រុំ ស្រុកស្វាយជ្រំ ខេត្តស្វាយរៀងក្រោមអធិបតីភាពដ៏ខ្ពង់ខ្ពស់សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា នៅថ្ងៃស្អែកនេះ។
ពិធីនេះក៏មានការអញ្ជេីញចូលរួមពីប្រតិភូក្រុមការងាររាជរដ្ឋាភិបាលចុះជួយស្រុកស្វាយជ្រំ លោកនាយកទីចាត់ការហិរញ្ញវត្ថុសាលាខេត្ត លោកប្រធានក្រុមប្រឹក្សាស្រុក លោកអភិបាល អភិបាលរងស្រុក មន្ត្រីរាជការសាលាស្រុក លោកប្រធាន អនុប្រធានមន្ទីរពេទ្យបង្អែកស្រុក កងកម្លាំងទាំង៣ស្រុក ព្រមទាំងអាជ្ញាធរពាក់ព័ន្ធមួយចំនួនទៀត។
